ខេត្តព្រះសីហនុ៖រឿងរ៉ាវដ៏កម្រសឹងមិនដែលមានពេលម្ដាយស្លាប់កូនៗបានឈ្លោះរហូតវាយតប់គ្នាដណ្ដើមសពខណៈកូនពៅធ្វើតាមបណ្តាំម្តាយរីឯបងៗមិនព្រមក៏កើតជម្លោះផ្អើលខេត្តព្រះសីហនុ។អ្នកចូលរួមបុណ្យសពបាននិយាយថា នៅស្រុកស្ទឹងហាវបុរសម្នាក់ដែលបានមើលថែទាំម្តាយជិត១០ឆ្នាំ រហូតម្តាយស្លាប់ក៏ត្រូវបានបងស្រីបង្កើតនិងសាច់ញាត្តិមកដឹកយកទៅបញ្ចុះនៅកន្លែងផ្សេងដែលខុសពីបណ្តាំម្តាយកាលនៅរស់។ចុងក្រោយអ្នកចាត់ចែងតម្កល់សពបាននាំគ្នាលីសែងមញ្ឈូសដាក់លើឡានដើម្បីហែរយកទៅបញ្ចុះនៅកន្លែងផ្សេង។ជុំវិញរឿងដណ្តើមសពម្តាយទៅបញ្ចុះទីកន្លែងផ្សេងគ្នានេះ ភាគីបងស្រីបង្កើតទាំង២នាក់ ឈ្មោះស៊ុន វន្នី និង ស៊ុន វណ្ណាកំពុងមានជម្លោះជាមួយបុរសស៊ុន ជីវលី ត្រូវជាប្អូនពៅ ពុំអាចសុំការបំភ្លឺបានទេ ដោយជាប់រវល់រៀបចំបញ្ជូនសពម្តាយចេញយកទៅបញ្ចុះនៅស្រុកព្រៃនប់ ខេត្តព្រះសីហនុ។ចំណែកបុរសស៊ុន ជីវលី ដែលអះអាងជាកូនពៅក្នុងគ្រួសារបានឱ្យអ្នកសារព័ត៌មានដឹងថា ខ្លួនគេជាអ្នកនៅមើលថែម្ដាយរហូតមុនពេលម្ដាយស្លាប់។ក្នុងនោះម្ដាយក៏បានឱ្យមេធាវីធ្វើលិខិតបណ្ដាំមរតក និងបណ្ដាំជាសំឡេងផងដែរ។“ប៉ុន្តែអ្វីៗគឺមិនមានន័យអ្វីទាំងអស់ គឺបងស្រីទាំង២នាក់ បាននាំសាច់ញាតិមកចោមរោមសំឡុតគំរាមកំហែងវាយដំមកលើរូបខ្ញុំឱ្យព្រមប្រគល់សពម្តាយឱ្យពួកគាត់តាមសម្រួល នៅពេលរៀបបញ្ជូនសពម្តាយចេញខ្ញុំមិនព្រមពួកគាត់ក៏បានវាយធ្វើបាបខ្ញុំ” ។ជុំវិញបញ្ហាជម្លោះដណ្តើមសពម្តាយនេះ លោកយាយ លី ជៀនអាយុ ៧៦ឆ្នាំនៅផ្ទះជិតគ្នាបានប្រាប់ថា កូនប្រុសពៅនេះហើយគឺជាអ្នកនៅមើលថែទាំម្ដាយរហូតដល់ថ្ងៃម្ដាយលាចាកលោកខណៈបងស្រីទាំង២នាក់យូរៗបានឃើញមុខម្ដងប៉ុណ្ណោះ៕
Related Articles
រថយន្តនិងម៉ូតូបុកគ្នាស្លាប់២នាក់និងរបួសធ្ងន់ម្នាក់នៅស្រុកព្រៃនប់
ព្រះសីហនុ៖រថយន្តនិងម៉ូតូបានបើកបុកគ្នាបណ្តាលឱ្យមានអ្នកស្លាប់២នាក់និងរបួសធ្ងន់ម្នាក់នៅលើផ្លូវជាតិលេខ៤ក្នុងភូមិអូរតាប៉ាង ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុកាលពីយប់ថ្ងៃទី៥ ខែមីនា ឆ្នាំ២០២១។ មន្ត្រីសមត្ថកិច្ចបានឱ្យដឹងថា៖ហេតុការណ៍កើតឡើងរវាងម៉ូតូម៉ាក ហុងដាពាក់ផ្លាកលេខ ព្រះសីហនុ 1F-2750 បើកបរដោយឈ្មោះ អេ ញ៉េប ភេទប្រុស អាយុ ៤៩ឆ្នាំ និងអ្នករួមដំណើរ ពីរនាក់ឈ្មោះ គល់ ហេន ភេទស្រី អាយុ ៥០ឆ្នាំ និងឈ្មោះ ស្រីមឿត អាយុ២ឆ្នាំ។ អ្នកទាំង៣ នៅភូមិអូរតាប៉ាង ឃុំអូរឧកញ៉ាហេង ស្រុកព្រៃនប់។ មន្ត្រីដដែលបានបន្តថា៖ម៉ូតូបើកឆ្លងផ្លូវ ពេលនោះមានរថយន្តម៉ាកនីសាន់ ពាក់ផ្លាកលេខព្រះសីហនុ 2C-8896 មកបុកម៉ូតូដែលជិះឌុបគ្នា៣នាក់នេះ បណ្តាលឱ្យ២នាក់ស្លាប់និងម្នាក់ទៀតរងរបួសធ្ងន់ ។ ជនរងគ្រោះឈ្មោះ អេ ញ៉េប អ្នកបើកបរម៉ូតូ ស្លាប់ឈ្មោះ គល់ ហេន អ្នករួមដំណើររបួសធ្ងន់និងក្មេងស្រីឈ្មោះ ស្រីមឿតស្លាប់ពេលបញ្ជូនទៅមន្ទីរពេទ្យ។បច្ចុប្បន្ន រថយន្ត និងម៉ូតូសមត្ថកិច្ចយករក្សាទុកនៅអធិការដ្ឋាននគរបាលស្រុកព្រៃនប់ដើម្បីដោះស្រាយពេលក្រោយ៕ចំប៉ា
មន្ត្រីកាំកុងត្រូលរកឃើញគីមីបូរ៉ាក់ដាក់ក្នុងបង្អែមនិងទំនិញខូចគុណភាពមួយចំនួននៅផ្សារក្រុងបាវិត
ស្វាយរៀង៖មន្ត្រីសាខាកាំកុងត្រូលខេត្តស្វាយរៀងកាលពីថ្ងៃទី៤ខែមីនាឆ្នាំ២០២០បានសហការជាមួយមន្ត្រីមន្ទីរពាណិជ្ជកម្មខេត្តនិងអាជ្ញាធរដែនដីបានចុះត្រួតពិនិត្យទំនិញផលិតផលម្ហូបអាហារនិងទំនិញវិចខ្ចប់ស្រាប់នៅក្នុងផ្សារជីភូក្រុងបាវិតខេត្តស្វាយរៀង។ក្រុមជំនាញបានរកឃើញគីមីបូរ៉ាក់ចំនួន១គីឡូក្រាមដាក់ក្នុងបង្អែមបាញ់ឌុកនិងនំពា៨គីឡូក្រាមខូចគុណភាពនំដំឡូងបារាំង២៤កំប៉ុងហួសកាលបរិច្ឆេទប្រើប្រាស់។ លោក ផឹង និល ប្រធានសាខាកាំកុងត្រូលខេត្តស្វាយរៀងបានឱ្យដឹងថាសកម្មភាពការងារត្រួតចុះពិនិត្យ ពីមន្ត្រីជំនាញ បានពិនិត្យគ្រឿងឧបភោគបរិភោគ នៅតាមស្តង់ក្នុងផ្សារ តាំងលក់ទំនិញមួយចំនួន ។បានប្រើប្រាស់ឧបករណ៍ធ្វើTestKitsបឋមលើម្ហូបអាហារចំនួន២៦គំរូផ្តោតសំខាន់លើផលិតផលម្ហូបអាហារ ដើម្បីស្វែងរកសារធាតុគីមីហាមឃាត់ ដែលធ្វើឱ្យប៉ះពាល់ ដល់សុខភាពប្រជាពលរដ្ឋ។ លោកបានបញ្ជាក់ថាជាលទ្ធផលក្រោយការចុះអនុវត្តការងារមន្ត្រីជំនាញបានរកឃើញទំនិញមានសារធាតុគីមីហាមឃាត់នៅនំបង្អែមបាញ់ឌុកចំនួន១គីឡូក្រាមមានសារធាតុគីមី(Borax)។នំពារខូចគុណភាព៨គីឡូក្រាមនិងនំដំឡូងបារាំង២៤កំប៉ុងហួសកាលបរិច្ឆេទប្រើប្រាស់។មន្ត្រីជំនាញបានធ្វើកំណត់ហេតុ ដកហូតទំនិញទាំងនោះ យកមករក្សាទុក ដើម្បីដុតកម្ទេចចោល នៅពេលក្រោយ៕
រថយន្តធំបុកជាមួយរថយន្តតូចបន្តបុកម៉ូតូបណ្តាលឱ្យក្មេងម្នាក់ស្លាប់
ព្រះវិហារ៖រថយន្តធុនធំបានរ៉េចង្កូតបុកជាមួយរថយន្តឡង់គ្រីស័រហើយបន្តទៅបុកម៉ូតូមួយគ្រឿងនៅចិញ្ចើមផ្លូវបណ្តាលឱ្យក្មេងម្នាក់ស្លាប់។ គ្រោះថ្នាក់ចរាចរណ៍នេះបានកើតឡើងនៅលើផ្លូវជាតិលេខ៦២មុខរដ្ឋបាលព្រៃឈើ ក្នុងភូមិស្រអែមខាងត្បូង ឃុំកន្ទួត ស្រុកជាំក្សាន្ត ខេត្តព្រះវិហារកាលពីថ្ងៃទី២៦ ខែកក្កដា ឆ្នាំ២០២១។ហេតុការណ៍នេះបង្កឡើងដោយរថយន្ត ម៉ាកហ៊ីយ៉ាន់ដាយ បើកបរដោយឈ្មោះ អ៊ុយ ម៉ៅ ភេទប្រុស អាយុ២៨ឆ្នាំ ។ សាក្សីបានឱ្យដឹងថា មានរថយន្តឡង់គ្រីស័រ តែកុងឈ្មោះ ច័ន្ទ ដារុន ភេទប្រុស បើកពីមុខហើយបានឈប់ភ្លាមៗ លើដងផ្លូវមិនបានវ៉ៃភ្លើងស៊ីញ៉ូ រឺក៏អែបស្ដាំ ធ្វើឱ្យអ្នកបើកថយន្តធំបួងចង្កូតគេច ទៅបុកម៉ូតូចតនៅលើចិញ្ចើមផ្លូវដែលមានក្មេងអង្គុយពីលើឈ្មោះ រ៉េត ធឹងសែន ភេទប្រុស អាយុ១៤ឆ្នាំបានស្លាប់ភ្លាមៗ។ ក្រោយពេលកើតហេតុ នគរបាលបានចាប់អ្នកបើកបររថយន្តធំ។ចំណែកឯរថយន្ត ឡង់គ្រីស័រ បានបើកបរគេចខ្លួនបាត់ ។ រីឯរថយន្តនឹងម៉ូតូ ជំនាញបានស្ទូចយកមករក្សាទុកនៅអធិការ នគរបាល ស្រុកជាំក្សាន្តជាបណ្តោះអាសន្ន៕ដោយ៖សៅវ៉ាន់ឌី