ប៉ៃលិន៖គ្រោះថ្នាក់ចរាចរណ៍រវាងម៉ូតូសណ្តោងរ៉ឺម៉ក បានបុកជាមួយម៉ូតូប្រុងបត់ឆ្លងផ្លូវ បណ្តាលឱ្យជំទប់ឃុំម្នាក់រងរបួសបាក់ភ្លៅម្ខាង ត្រូវបានគេជួយដឹកទៅមន្ទីរពេទ្យភ្លាមៗ។មន្ត្រីនគរបាលបានឱ្យដឹងថា ហេតុការណ៍រវាងម៉ូតូនិងម៉ូតូសណ្តោងរ៉ឺម៉កន៉បានកើតឡើងនៅ មុខផ្សារអូរតា ស្ថិតក្នុងភូមិដីស្អិត ស្រុកសាលាក្រៅ ខេត្តប៉ៃលិនកាលពីល្ងាច ថ្ងៃទី៩ ខែមីនា។ប្រភពដដែលបានបន្តថា ជរងគ្រោះឈ្មោះ វ័រ រួម អាយុ៦៧ឆ្នាំជាជំទប់ទី១ឃុំស្ទឹងត្រង់ នៅភូមិដីស្អិត ឃុំស្ទឹងត្រង់ ស្រុកសាលាក្រៅ ខេត្តប៉ៃលិនរបួសបាក់ភ្លៅខាងឆ្វេង។ជនរងគ្រោះបើកម៉ូតូម៉ាក SUZUKI SMASH REVO ផ្លាកលេខភ្នំពេញ1T-0015។ចំណែកភាគីម្ខាងទៀតឈ្មោះ ឡាំ សុភ័ក្រ អាយុ៣៣ឆ្នាំនៅក្នុងភូមិអូរដូនតាលើ ឃុំស្ទឹងត្រង់ ស្រុកសាលាក្រៅ ខេត្តប៉ៃលិន។ បើកម៉ូតូម៉ាក HONDA DREAM ផ្លាកលេខប៉ៃលិន1D-5442៕
Related Articles
សមត្ថកិច្ចចាប់ជនម្នាក់ដែលយកដំបងឬស្សី វាយឪពុកបង្កើតចំក្បាលរបួសដេរ៧ថ្នេរ
កំពង់ឆ្នាំង៖កម្លាំងនគរបាលខេត្តសហការជាមួយនគរបាលប៉ុស្តិ៍រដ្ឋបាលជ្រៃបាក់បានចាប់ជនម្នាក់ពីបទយកដំបងឬស្សី វាយឪពុកបង្កើតចំក្បាលរបួសដេរ៧ថ្នេរនៅភូមិឃ្លៃ ឃុំជ្រៃបាក់ ស្រុករលាប្អៀរ ខេត្តកំពង់ឆ្នាំងកាលពីថ្ងៃទី២៣ខែមេសាឆ្នាំ២០២១។ សមត្ថកិច្ចបានឱ្យដឹងថា៖ករណីហិង្សាដោយជនម្នាក់ ឈ្មោះ ជ្រឿន សារៀម ហៅត្រៀមភេទប្រុស អាយុ ២៧ឆ្នាំបានយកដំបងឬស្សី វាយទៅលើឈ្មោះ ជ្រូក សារ៉ុម ភេទប្រុស អាយុ ៥១ឆ្នាំ ត្រូវជាឪពុកបង្កើតចំក្បាលផ្នែកខាងឆ្វេង ដេរចំនួន៧ថ្នេរ។ក្រោយពេលកើតហេតុសមត្ថកិច្ច បានចាប់ជនបង្កឈ្មោះ ជ្រឿន សារៀមយក កសាងសំណុំរឿងតាមនីតិវិធី៕ដោយ៖ចំប៉ា
គ្រោះថ្នាក់ចរាចរថ្ងៃចូលឆ្នាំចិន-វៀតណាមស្លាប់៣៥នាក់របួស៥១នាក់
ភ្នំពេញ៖តាមរបាយការណ៍ពីនាយកដ្ឋាននគរបាលចរាចរណ៍និងសណ្ដាប់ធ្នាប់សាធារណៈនៃអគ្គស្នងការដ្ឋាននគរបាលជាតិបានបង្ហាញថាគ្រោះថ្នាក់ចរាចរទូទាំងប្រទេសរយៈពេលបីថ្ងៃនៃបុណ្យចូលឆ្នាំចិន-វៀតណាមស្លាប់និងរបួស៨៦នាក់ស្លាប់៣៥ របួស៥១នាក់ក្នុង៤៨លើក ។ ក្នុងហេតុការណ៍គ្រោះថ្នាក់ចរាចរនៅថ្ងៃទី២៤ខែមករាឆ្នាំ២០២០នេះនិងបានបង្កឱ្យមានមនុស្សរបួសស្រាលចំនួន២២នាក់និងធ្ងន់ចំនួន១៤នាក់។តាមទិន្នន័យគ្រោះថ្នាក់ចរាចរទូទាំងប្រទេសនៅថ្ងៃទី២៤ខែមករានេះគឺកើតឡើងដោយសារហេតុការណ៍ប៉ះទង្គិចចំនួន១៣លើក ។ ថ្ងៃចូលឆ្នាំចិនមានមនុស្ស១៤នាក់បានស្លាប់នៅក្នុងហេតុការណ៍គ្រោះថ្នាក់ចរាចរនៅថ្ងៃទី២៥ ខែមករា ឆ្នាំ២០២០នេះនិងបានបង្កឱ្យមានមនុស្សរបួសធ្ងន់-ស្រាល២២នាក់។គ្រោះថ្នាក់ចរាចរទូទាំងប្រទេសនៅថ្ងៃទី២៥ខែមករានេះគឺកើតឡើងចំនួន២២លើកមនុស្សស្លាប់និងរបួសសរុបចំនួន៣៦នាក់។ ថ្ងៃចូលឆ្នាំចិនថ្ងៃទី២គ្រោះថ្នាក់ ចរាចរនៅថ្ងៃទី២៦ខែមករាឆ្នាំ២០២០នេះបណ្តាលឱ្យមនុស្សស្លាប់៩និង បង្កឱ្យមានរបួសធ្ងន់១០នាក់ស្រាល២នាក់។ទិន្នន័យគ្រោះថ្នាក់ចរាចរទូទាំងប្រទេសនៅថ្ងៃទី២៦ខែមករានេះគឺកើតឡើងចំនួន១៣លើកដែលបង្កឱ្យមាន មនុស្សស្លាប់និងរបួសសរុបចំនួន២១នាក់។ គួរបញ្ជាក់ថានៅក្នុងករណីគ្រោះថ្នាក់ចរាចរនេះបង្កឱ្យមានការខូចខាតយានយន្តសរុបជាច្រើនគ្រឿងក្នុងនោះមានម៉ូតូ,រថយន្តតូច-ធំនិងយានផ្សេងៗជាច្រើនគ្រឿងទៀត។រីឯមូលហេតុបណ្តាលឱ្យកើតមានហេតុការណ៍គ្រោះថ្នាក់ចរាចរគឺបណ្តាលមកពីបើកបរលើសល្បឿនកំណត់,មានគោរពសិទ្ធិ,បត់មិនប្រកាន់ស្តាំជាដើម៕