ភ្នំពេញ៖ស្ត្រីម្នាក់បើករថយន្តម៉ាកFord Ranger ក្នុងល្បឿលឿនបានបុករបាំងថ្មចែកផ្លូវ បណ្ដាលឱ្យខូចខ្ទេចផ្នែកខាងមុខ។គ្រោះថ្នាក់ចរាចរណ៍នេះបានកើតឡើងនៅតាមផ្លូវព្រះមុនីវង្ស សង្កាត់ផ្សារថ្មីទី២ ខណ្ឌដូនពេញ កាលពីយប់ថ្ងៃទី២៤ ខែមិថុនាឆ្នាំ២០២៣ ។សាក្សីបានឱ្យដឹងថា មុនកើតហេតុគេឃើញស្ត្រីម្នាក់បើករថយន្តម៉ាក Ford Ranger ផ្លាកលេខភ្នំពេញ 2BS-9622 តាមផ្លូវព្រះមុនីវង្សពីត្បូងទៅជើង។ លុះមកដល់ភ្លើងស្តុប ក៏បុករបាំងថ្មចែកផ្លូវពេញទំហឹង បណ្ដាលរថយន្ដខូចខាតយ៉ាងដំណំ។ រីឯរបាំងថ្មខ្ទាតចេញ១កង់តែមិនមានគ្រោះថ្នាក់ដល់ជីវិតមនុស្សទេ។ក្រោយកើតហេតុ កម្លាំងនគរបាលចរាចរណ៍រាជធានីភ្នំពេញ បានចុះវាស់វែង និងយករថយន្តបង្កទៅទុក ដើម្បីរង់ចាំដោះស្រាយពេលក្រោយ៕
Related Articles
អាជ្ញាធរអំពាវនាវឱ្យអ្នករកស៊ីដឹកភ្ញៀវនៅ២៣ទីតាំងក្នុងរាជធានីទៅធ្វើតេស្តរកកូវីដ-១៩
ភ្នំពេញ៖ក្រសួងសុខាភិបាល និងសាលារាជធានីភ្នំពេញបានអំពាវនាវឱ្យអ្នករត់រថយន្តតាក់ស៊ីនិងម៉ូតូកង់បី ដែលធ្លាប់បានដឹកភ្ញៀវនៅតាម ២៣ទីតាំងក្នុងរាជធានី ឱ្យទៅធ្វើតេស្តរកជំងឺកូវីដ-១៩ នៅស្តាតអូឡាំពិក នារសៀលថ្ងៃទី២២ខែកុម្ភៈឆ្នាំ២០២១នេះ។ ក្រសួងសុខាភិបាលបានចេញសេចក្តីប្រកាសព័ត៌មាននៅព្រឹកថ្ងៃទី២២ ខែកុម្ភៈ ឆ្នាំ២០២១បានឱ្យដឹងថា៖ អ្នកចេញចូលទីតាំង ដែលរកឃើញឆ្លងកូវីដ-១៩ ចំនួន ២៣កន្លែង និងអ្នកដឹងខ្លួនថា៖បានប៉ះពាល់ ក្នុងព្រឹត្តិការណ៍២០ កុម្ភៈ ទៅធ្វើតេស្ត និងធ្វើចត្តាឡីស័កឱ្យបានត្រឹមត្រូវ។ ន័យក្នុងសេចក្តីប្រកាសបានបន្តថា៖ “បុគ្គលដែលធ្លាប់បានចេញចូលទីតាំងខាងលើ ពីថ្ងៃទី៦ ដល់ថ្ងៃទី២០ ខែកុម្ភៈ ឆ្នាំ២០២១ ឬបុគ្គលពាក់ព័ន្ធ ទៅនឹងព្រឹត្តិការណ៍ ឬដឹងថា ខ្លួនជាអ្នកប៉ះពាល់ជាមួយអ្នកមានវីរុសកូវីដ-១៩ ត្រូវមានភាពស្មោះត្រង់ មិនលាក់លៀម និងស្ម័គ្រចិត្តមកធ្វើតេស្តរកមេរោគកូវីដ-១៩ នៅរៀងរាល់ម៉ោងធ្វើការ ។ ក្នុងនោះធ្វើតេស្តយកវត្ថុ សំណាកដើម្បីវិភាគរកវីរុសកូវីដ-១៩ នៅមណ្ឌលសុខភាពចាក់អង្រៃ ហើយដាក់ខ្លួននៅដាច់ដោយឡែកពីក្រុមគ្រួសារ ធ្វើចត្តាឡីស័កចំនួន ១៤ថ្ងៃ នៅតាមផ្ទះរៀងៗខ្លួន ព្រមទាំងតាមដានសុខភាព ជារៀងរាល់ថ្ងៃ”។ សូមបញ្ជាក់ថា ទីតាំងទាំង២៣ ដែលពាក់ព័ន្ធនឹងព្រឹត្តិការណ៍ សហគមន៍ ២០កុម្ភៈ រួមមាន ៖– ក្លិប N8 សង្កាត់ទួលស្វាយព្រៃ– Casa By […]
អាជ្ញាធរបញ្ជូនពលករខ្មែរខុសច្បាប់១៥នាក់ទៅស្រុកកំណើត
កោះកុង៖អាជ្ញាធរស្រុកមណ្ឌលសីមាបានសម្រេចប្រគល់ក្រុមពលករខ្មែរខុសច្បាប់ចំនួន១៥នាក់ដែលត្រូវបានថៃចាប់បញ្ជូនមកតាមច្រកទ្វារព្រំដែនចាំយាមខេត្តកោះកុងទៅស្រុកកំណើតរបស់ពួកគេវិញហើយនៅថ្ងៃទី១៣ ខែមេសា ឆ្នាំ២០២០។ លោកប៉ែនប៊ុនឈួយអភិបាលរងស្រុកមណ្ឌលសីមាបានឱ្យដឹងថាការប្រគល់ពលករខ្មែរចំនួន១៥នាក់នេះធ្វើឡើងទៅតាមការគោលការណ៍ណែនាំរបស់រដ្ឋាភិបាលកម្ពុជានិងតបតាមការស្នើសុំរបស់ក្រុមពលករចង់ទៅស្រុកកំណើតរបស់ខ្លួនដោយផ្ទាល់តែម្តង។ លោកអភិបាលរងស្រុកមណ្ឌលសីមាបានបន្តថាអាជ្ញាធរខេត្តនិងស្រុកបានទាក់ទងកាន់អាជ្ញាធរខេត្តកំណើតរបស់ពលកររួចហើយដើម្បីអនុញ្ញាតឱ្យមកទទួលយកពលករនៅតាមព្រំប្រទល់ខេត្តបន្ត។មុនពេលប្រគល់ក្នុងរយៈពេល៤ថ្ងៃមកនេះអាជ្ញាធរនិងមន្ត្រីសុខាភិបាលបានតាមដានពិនិត្យវាស់កម្តៅក្រុមពលករ ផ្តល់អាហារ និងបន្ទប់ស្នាក់នៅដាច់ដោយឡែកក្នុងវិទ្យាល័យ ហ៊ុន សែន ចាំយាម ។ប៉ុន្តែជាការកត់សម្គាល់ គឺពុំរកឃើញថា ពួកគាត់មានសញ្ញាសង្ស័យពីជំងឺកូវីដ១៩ទេ។ ក្រុមពលករចំនួន១៥នាក់រួមមាន៖ពលករចំនួន៤នាក់នៅខេត្តបាត់ដំបង៥នាក់នៅខេត្តកំពតព្រៃវែងចំនួន៥នាក់និងតាកែវចំនួនម្នាក់។ក្រុមពលករខាងលើត្រូវបានកងកម្លាំងយោធានិងនគរបាលដឹកតាមរថយន្តទៅកាន់ព្រំប្រទល់ខេត្តកោះកុង ដោយមានអាជ្ញាធរខេត្តសាម៉ីរបស់ពលករមកទទួលយកបន្ត។ លោកប៉ែនប៊ុនឈួយក៏អះអាងដែរថាដំបូងឡើយអាជ្ញាធរស្រុកអនុវត្តតាមគោលការណ៍របស់រដ្ឋាភិបាលនិងក្រសួងមហាផ្ទៃត្រៀមទទួលពលករពីប្រទេសជិតអំឡុងកើតជំងឺកូវីដ១៩រួចជាស្រេច។ជាក់ស្តែងមានក្រុមពលករចំនួន១៥ផ្តើមមានវត្តមានតែម្តង។ ទោះបីជាពលករទាំងនេះត្រូវបានប្រគល់ទៅអាជ្ញាធរខេត្តកំណើតរបស់ពូកគេក៏ពិតមែន។ប៉ុន្តែជាគោលការណ៍ណែនាំចាំបាច់មានវិធានការការពារនិងទប់ស្កាត់ដូចគ្នាដែរ ដោយតម្រូវឱ្យនៅដាច់ដោយឡែកពីក្រុមគ្រួសារ៕
មន្ត្រីសាលាឃុំម្នាក់បើករថយន្តបុកបង្កាន់ដៃស្ពានក្រឡាប់បណ្តាលឱ្យស្លាប់ភ្លាម
កែប៖មន្ត្រីសាលាឃុំម្នាក់បានបើករថយន្ត បុកបង្កាន់ដៃស្ពានក្រឡាប់បណ្តាលឱ្យស្លាប់ភ្លាម ។ហេតុការណ៍នេះបានកើតឡើងនៅលើផ្លូវប្របមាត់សមុទ្រ ក្រុងកែប កាលពីយប់ថ្ងៃទី២៦ ខែមីនា។ មន្ត្រីនគរបាលចរាចរណ៍ស្រុកដំណាក់ចង្អើរបានឱ្យដឹងថា ជនរងគ្រោះបាត់បង់ជីវិតឈ្មោះ ពោញ សំបូរ អាយុ៤២ឆ្នាំ ជាជំនួយការស្មៀនសាលាឃុំអង្កោល នៅភូមិទួលសាង៉ាំ ឃុំអង្កោល ស្រុកដំណាក់ចង្អើរ ខេត្តកែប។ប្រភពដដែលបានបន្តថា កាលពីម៉ោងជិត១០យប់ថ្ងៃទី២៦ ខែមីនា មានគ្រោះថ្នាក់ចរាចរណ៍មួយបានកើតឡើង ដោយរថយន្តបើកបុកបង្កាន់ដៃស្ពានក្រឡាប់ខ្លួនឯង បណ្តាលឱ្យអ្នកបើកបរស្លាប់ភ្លាមៗតែម្តង។ក្រោយកើតហេតុ រថយន្តសង្គ្រោះបានដឹកសពទៅលំនៅស្ថានប្រគល់ជូនសាច់ញាតិរៀបចំធ្វើបុណ្យជាមួយរថយន្តដែលរងការខូចខាតនោះផងដែរដើម្បីយកទៅជួសជុល៕