ព័ត៌មានអន្តរជាតិ៖តាមប៉ុស្តិ៍ទូរទស្សន៍ Al Mayadeen របស់ប្រទេសលីបង់បានផ្សាយថា កងទ័ពអ៊ីស្រាអែល កំពុងវាយលុកទីក្រុង Jenin នៅតំបន់ West Bank របស់ប៉ាឡេស្ទីន ដោយប្រើយន្តហោះគ្មានមនុស្សបើក និងឧបករណ៍ធុនធ្ងន់។តាមប្រភពដដែលបានបញ្ជាក់ថា យោធាអ៊ីស្រាអែល កំពុងប្រយុទ្ធគ្នាយ៉ាងខ្លាំង ជាមួយកម្លាំងតស៊ូប៉ាឡេស្ទីន ដោយយន្តហោះគ្មានមនុស្សបើក មួយចំនួនធំកំពុងហោះហើរនៅលើមេឃក្នុងទីក្រុង ហើយផ្លូវនិងហេដ្ឋារចនាសម្ព័ន្ធ កំពុងត្រូវបំផ្លាញដោយការឈូសឆាយរបស់កងទ័ពធុនធ្ងន់។គួរបញ្ជាក់ថា ភាពតានតឹងបានផ្ទុះឡើងម្តងទៀត នៅមជ្ឈិមបូព៌ាកាលពីថ្ងៃទី៧ ខែតុលាឆ្នាំ ២០២៣ ពេលដែលពួកសកម្មប្រយុទ្ធមកពីចលនា ប៉ាឡេស្ទីនរ៉ាឌីកាល់ដែលមាន មូលដ្ឋាននៅហ្គាហ្សាស្ទ្រីប។ ហាម៉ាស់បានវាយប្រហារដ៏គួរឱ្យ ភ្ញាក់ផ្អើលមួយលើទឹកដីអ៊ីស្រាអែល ពីតំបន់ហ្គាហ្សា ដោយសម្លាប់អ្នករស់នៅតាម ព្រំដែនអ៊ីស្រាអែល និងចាប់ចំណាប់ខ្មាំងរួមទាំងស្ត្រី កុមារ និងមនុស្សចាស់៕
Related Articles
ស្ត្រីអាហ្វ្រិកខាងត្បូងម្នាក់អះអាងថាសម្រាលបានកូនភ្លោះ១០នាក់
អន្តរជាតិ៖ស្ត្រីអាហ្វ្រិកខាងត្បូងម្នាក់អះអាងថា៖បានផ្តល់កំណើតដល់កូនចំនួន១០នាក់នៅក្នុងអ្វីដែលនឹងក្លាយជាកំណើតធំជាងគេបំផុតលើពិភពលោកប្រសិនបើមានការបញ្ជាក់ពីវេជ្ជបណ្ឌិត។ ប្តីរបស់ស្ត្រីឈ្មោះ ហ្គោស្យាមេ ស៊ីដថូល បាននិយាយថា៖ ភរិយាអាយុ៣៧ឆ្នាំដែលជាម្តាយរបស់កូនភ្លោះរួចទៅហើយនោះ បានផ្តល់កំណើតកូនប្រុស៧នាក់និងស្រី៣នាក់ក្នុងការសម្រាលដោយវះកាត់នៅមន្ទីរពេទ្យមួយក្នុងទីក្រុងព្រីតូរៀកាលពីល្ងាចថ្ងៃចន្ទទី៧មិថុនាឆ្នាំ២០២១។ ទោះយ៉ាងណា រដ្ឋាភិបាលអាហ្វ្រិកខាងត្បូងបាននិយាយថា៖ខ្លួនមិនទាន់រកឃើញកំណត់ត្រានៃកំណើតច្រើនបែបនេះនៅឡើយទេ។អគ្គនាយកនៃនាយកដ្ឋានទំនាក់ទំនងរបស់រដ្ឋាភិបាលលោកភូមឡា វីលៀម បានសួរព័ត៌មាននេះពីសាធារណជននិងដាក់ស្លាក IOL នៅក្នុង Twitter ដើម្បីសួររកព័ត៌មាននេះបន្ថែមទៀត។
អាមេរិកចាប់នាវិកទ័ពជើងទឹក២នាក់ពាក់ព័ន្ធគម្រោងបញ្ជូនអាថ៌កំបាំងយោធាឱ្យចិន
អន្តរជាតិ៖ បើយោងតាមក្រសួងយុត្តិធម៌អាមេរិកបានឱ្យដឹងថា នាវឹក២នាក់នៃកងទ័ពជើងទឹកសហរដ្ឋអាមេរិក ត្រូវបានចាប់ខ្លួនដោយរងការចោទប្រកាន់ថា ពួកគេបានផ្តល់អាថ៌កំបាំងយោធាដល់ប្រទេសចិន ធ្វើឱ្យប៉ះពាល់ដល់សន្តិសុខជាតិ។ថ្លែងនៅក្នុងសន្និសីទសារព័ត៌មានមួយកាលពីថ្ងៃព្រហស្បតិ៍ទី៣ខែសីហា ជំនួយការអគ្គមេធាវីទទួលបន្ទុកសន្តិសុខជាតិ លោក Matt Olsen បាននិយាយថា តាមរយៈឧក្រិដ្ឋកម្មដែលត្រូវបានចោទប្រកាន់ដោយជនជាប់ចោទទាំង២នេះ ព័ត៌មានយោធាបានធ្លាក់នៅក្នុងដៃនៃសាធារណរដ្ឋប្រជាមានិតចិនទៅហើយ។គួរបញ្ជាក់ថា នាវឹកកងទ័ពជើងទឹកដែលរងការចោទប្រកាន់រួមមានឈ្មោះ Jinchao Wei ហៅ Patrick និង Wenheng Zhao អាយុ២៦ឆ្នាំហៅ Thomas ។នាវិកទាំង២នាក់នេះបានចូលរួមក្នុងប្រតិបត្តិការប្រមូលព័ត៌មានដាច់ដោយឡែកពីគ្នា។ ខណៈពេលដែលកំពុងបម្រើការងារនៅកងនាវាចរអាមេរិក៕សហការី
ក្រុមមេធាវីអាមេរិកប្តឹងចិនទាររាប់កោដដោយសារតែការផ្ទុះជំងឺឆ្លងកូវីដ១៩
ព័ត៌មានអន្តរជាតិ៖មេធាវីមួយក្រុមនៅអាមេរិកបានចាប់ផ្តើប្តឹងតាងនាមក្រុមប្រឆាំងរដ្ឋចិនដើម្បីទាមទារប្រាក់រាប់រយពាន់លានដុល្លារដោយសារតែការផ្ទុះជំងឺកូវីដ១៩ ដោយពួកគេចោទប្រកាន់ក្រុមមេដឹកនាំចិនថាធ្វេសប្រហែសដោយអនុញ្ញាតឱ្យផ្ទុះជំងឺនិងបន្ទាប់មកខិតខំបិទបាំង។ បណ្តឹងតាងនាមក្រុមដែលពាក់ព័ន្ធបណ្តឹងរាប់ពាន់មកពី៤០ប្រទេស រួមមានអាមេរិកនិងអង់គ្លេស ត្រូវបានប្តឹងនៅរដ្ឋផ្លរីដា កាលពីខែមុន។បណ្តឹងទី២ ដែលធ្វើឡើងនៅខែនេះតាងនាមឱ្យបុគ្គលិកវេជ្ជសាស្ត្រ ដែលចោទប្រកាន់ចិនថា លក់ដំឡើងថ្លៃគ្រឿងបរិក្ខាវេជ្ជសាស្ត្រសម្រាប់សង្គ្រោះជីវិតក្នុងពេលពិភពលោកជួបវិបត្តិសុខភាព។នេះបើតាមការផ្សាយរបស់សារព័ត៌មានដេល្លីមេលកាលពីថ្ងៃអាទិត្យទី១៩ខែមេសាឆ្នាំ២០២០។ បណ្តឹងប្រឆាំងចិនមួយទៀតក៏ទំនងជាចេញពីក្រុមមេធាវីសិទ្ធិមនុស្សអ៊ីស្រាអែល ដែលមានឯកទេសប្តឹងរដ្ឋពីបទបង្កភេរវកម្ម។សារព័ត៌មានដដែលក៏បាននិយាយថាក្នុងពេលជាមួយគ្នាមានការអំពាវនាវឱ្យអង្គការសហប្រជាជាតិបើកធ្វើការស៊ើបអង្កេតមួយ អំពីថាតើវីរុសនេះផ្ទុះឡើងដោយរបៀបណានៅក្រុងវូហានរបស់ចិនមុនវារីកសាយទៅកាន់ផ្នែកផ្សេងៗនៃពិភពលោក។