ព្រះវិហារ៖សាខាកាកបាទក្រហមកម្ពុជាខេត្តព្រះវិហារកាលពីថ្ងៃទី២៩ ខែមករា ឆ្នាំ២០២០បានបិទវគ្គជាមូលដ្ឋានជូនយុវជនកាកបាទក្រហមកម្ពុជាវិទ្យាល័យចំណេះទូទៅនិងបច្ចេកទេសជាស៊ឹមត្បែងមានជ័យចំនួន៦៤នាក់និងយុវជនទើបរើសថ្មីចំនួន២៧នាក់ស្រី១៨នាក់។ពិធីបិទវគ្គនេះស្ថិតនៅសង្កាត់កំពង់ប្រណាកក្រុងព្រះវិហារក្រោមវត្តមានលោកសំលាងទ្រីអនុប្រធានគណៈកម្មាធិការសាខាកាកបាទក្រហមកម្ពុជាខេត្តព្រះវិហារ ។
លោកអនុប្រធានគណៈកម្មាធិការសាខាបានលើកឡើងថាដើម្បីបន្ថែមសមាជិកយុវជនដែលបានប្រឡងជាប់ហើយទៅបន្តការសិក្សាសាលាបានរើសយុវជនបំពេញ។ក្នុងនោះបើកវគ្គជាមូលដ្ឋានយុវជនកាកបាទក្រហមកម្ពុជាជូននាពេលនេះគោលបំណងដើម្បីឱ្យប្អូនបានដឹងអំពីប្រវត្តិគោលការណ៍គ្រឹះចលនាអន្តរជាតិកាកបាទក្រហមអឌ្ឍចន្ទក្រហមតួនាទីរបស់យុវជនកាកបាទក្រហម។
បន្ទាប់មកលោកប្រធានក៏បានប្រគល់ជូននូវថវិកាឧបត្ថម្ភរបស់ឱ្យប្រាក់សុវណ្ណប្រធានគណៈគម្មាធិការសាខានិងជាអភិបាលខេត្តព្រះវិហារជូនដល់យុវជនសម្រាប់កម្មវិធីជុបលាងបិទវគ្គចំនួន១០០ដុល្លារនិងបានផ្តល់សៀវភៅចំណេះដឹងមូលដ្ឋានវិជ្ជាសង្គ្រោះបឋមចំនួន១០ក្បាលនិងបន្ថែមសម្ភារវិជ្ជាសង្គ្រោះបឋមថ្មី ១ឈុតផងដែរ៕ញែមសុផល
