កំពង់ស្ពឺ៖ កម្លាំងកងរាជអាវុធហត្ថប្រចាំការនៅស្នាក់ការល្បាតចំបក់ សហការជាមួយមន្ត្រីក្រសួងបរិស្ថាន និងមន្ត្រីអង្គការសម្ព័ន្ធមិត្តសត្វព្រៃ Wildlife Alliance។កាលពីរសៀលថ្ងៃទី៩ ខែសីហា ឆ្នាំ២០២២ កម្លាំងចម្រុះបានចុះល្បាតបង្ក្រាបបទល្មើសព្រៃឈើក្នុងភូមិសាស្ត្រ ភូមិក្រាំងចេក ឃុំចំបក់ ស្រុកភ្នំស្រួច ខេត្តកំពង់ស្ពឺ។ជាមួយនោះសមត្ថកិច្ចបានដកហូតគោយន្តកន្ត្រៃចំនួន៧គ្រឿង ឈើអារចម្រុះចំនួន៤៨៤សន្លឹកស្មើ៨,៥៨៦ម៉ែត្រគូបដោយគ្មានលិខិតអនុញ្ញាត។បច្ចុប្បន្នវត្ថុតាងបានយកទៅរក្សាទុកនៅស្នាក់ការល្បាតចំបក់ដើម្បីចាត់ការបន្ត៕ដោយ៖សុខុម
Related Articles
បង្ក្រាបសង្វៀនជល់មាន់ចាប់មនុស្ស៣នាក់,មាន់ជល់និងម៉ូតូ២៣គ្រឿង
បាត់ដំបង៖កម្លាំងនគរបាលស្រុកថ្មគោលសហការជាមួយកម្លាំងនគរបាលប៉ុស្តិ៍អូរតាគីនិងប៉ុស្តិ៍គោកឃ្មុំកាលពីរសៀលថ្ងៃទី២៩ខែមករាឆ្នាំ២០២១បានចុះបង្ក្រាបល្បែងស៊ីសងប្រជល់មាន់មួយកន្លែងឃាត់ខ្លួន៣នាក់មាន់ជល់៥ក្បាលនិងម៉ូតូ២៣គ្រឿងនៅវាលស្រែបឹងព្រៃស្ថិតក្នុងភូមិត្រស់ឃុំអូរតាគីស្រុកថ្មគោល។ លោកវរសេនីយ៍ឯកផង់សុភាពអធិការនគរបាលស្រុកថ្មគោលបានឱ្យដឹងថាក្រុមអ្នកញៀនល្បែងជល់មាន់ទាំង៣នាក់រួមមានះ១,ឈ្មោះស៊ុបសំអឿនភេទប្រុសអាយុ៥៤ឆ្នាំ២,ឈ្មោះព្រិលបុលភេទប្រុសអាយុ៣៨ឆ្នាំនិង៣,ឈ្មោះប៊ុនលីភេទប្រុសអាយុ៥៤ឆ្នាំ។ចំណែកវត្ថុតាងដកហូតបានរួមមាន៖មាន់ជល់ចំនួន៥ក្បាលសង្វៀនជល់មាន់ចំនួន២ជញ្ជីងតូចថ្លឹងមាន់ចំនួន១គ្រឿងម៉ូតូចំនួន២៣គ្រឿងកម្រាលចំនួន២និងឆ្នាំងសម្រាប់ស្អំមាន់ចំនួន២។ ក្រោយឃាត់ខ្លួនក្រុមអ្នកញៀនលេងល្បែងស៊ីសងមាន់ជល់ទាំងបីនាក់រួមជាមួយវត្ថុត្រូវបានសមត្ថកិច្ចជំនាញកសាងសំណុំរឿងបញ្ជូនបន្តទៅតុលាការដើម្បីចាត់ការតាមច្បាប់៕សេះស
ចាប់ជនសង្ស័យ៧នាក់ជាមុខសញ្ញានិងផ្ទុកនូវសារធាតុញៀនក្នុងខ្លួន
កំពង់ឆ្នាំង៖កម្លាំងនគរបាលប៉ុស្ដិ៍រដ្ឋបាលកំពង់អុស,កម្លាំងប្រឆាំងគ្រឿងញៀនខេត្ត និងកម្លាំងប្រជាការពារឃុំកំពង់អុសបានចាប់ជនសង្ស័យចំនួន៧នាក់ធ្វើតេស្ដរកឃើញផ្ទុកសារធាតុញៀនក្នុងខ្លួនកាលពីយប់ថ្ងៃទី២៥ ខែមេសា ឆ្នាំ២០២១។ សមត្ថកិច្ចបានឱ្យដឹងថា៖ក្រុមជនដែលចាប់បាន៖ឈ្មោះ រុន រ៉ាអាយុ ៣០ឆ្នាំ,ឈ្មោះ សាន ប៉ោអាយុ ២៧ ឆ្នាំ,ឈ្មោះ ភុន រ៉ាក់ភឿនអាយុ ២១ឆ្នាំ,ឈ្មោះ សឿ ចាន់ភារម្យ អាយុ៣៨ ឆ្នាំ,ឈ្មោះ ស៊ន ប៊ុនណាតអាយុ ៣៩ ឆ្នាំ,ឈ្មោះ ញ៉ឹក ឆៃ អាយុ ២៩ ឆ្នាំ,ឈ្មោះ កែវ ភាស់ អាយុ ២៥ ឆ្នាំជនទាំង៧នៅខេត្តកំពង់ឆ្នាំងពាក់ព័ន្ធប្រើប្រាស់គ្រឿងញៀន ។ ករណីនេះសមត្ថកិច្ចបានបញ្ជូនមុខសញ្ញាជនសង្ស័យ និងវត្ថុតាងឱ្យជំនាញការិយាល័យប្រឆាំងគ្រឿងញៀនខេត្តកំពង់ឆ្នាំងដើម្បី កសាងសំណុំរឿងតាមនីតិវិធី ៕ដោយ៖ដីមាស
កូរ៉េជួយសហគមន៍កម្ពុជាប្រយុទ្ធប្រឆាំងនឹងជំងឺកូវីដ១៩
ភ្នំពេញ៖ អង្គការឆាលហ្វាន កូរ៉េ ជាភ្នាក់ងារអភិវឌ្ឍន៍អន្តរជាតិ ដែលផ្តោតលើបញ្ហាកុមារ បានគាំទ្រដល់អាជ្ញាធរក្នុងភូមិចំនួន៣៣៤ភូមិនៃខេត្តព្រៃវែងស្វាយរៀង,ក្រចេះ,និងបាត់ដំបង,ដើម្បីប្រយុទ្ធប្រឆាំងនឹងការរីករាលដាលនៃជំងឺកូវីត១៩ដោយសហការជាមួយអង្គការឆាលហ្វានកម្ពុជា។ គម្រោងនេះនឹងធានាថាកុមារនិងគ្រួសាររបស់ពួកគេចំនួនប្រហែល២៧៥.០០០នាក់ទទួលបាននូវចំណេះដឹងចាំបាច់ក្នុងការការពារខ្លួនពីជំងឺកូវីត១៩។វគ្គបណ្តុះបណ្តាលក៏នឹងរួមបញ្ចូលចំណេះដឹងគន្លឹះពីការប្រៀនប្រដៅកូនបែបវិជ្ជមាន ដល់គ្រួសារក្នុងតំបន់គោលដៅផងដែរ។ លោក ប្រាស្សាន វើម៉ា នាយកប្រចាំប្រទេសនៃអង្គការឆាលហ្វានកម្ពុជា បានមានប្រសាសន៍ថា៖«នៅ ប្រទេសកូរ៉េប្រជាជននិងរដ្ឋាភិបាលកូរ៉េក៏បាននិងកំពុងសហការគ្នាឆ្លើយតបនឹងការរីករាលដាលនៃឥទ្ធិពលជំងឺកូវីដ៩ដែរ។បើទោះជាពួកគេ កំពុងត្រូវការជំនួយចាំបាច់នៅក្នុងប្រទេស ក៏អង្គការឆាលហ្វាន កូរ៉េជឿជាក់ថាជាការចាំបាច់ណាស់ក្នុងការចែករំលែកជំនួយមកកាន់ប្រទេសក្រីក្រក្នុងតំបន់។ ជាពិសេសសម្រាប់កុមារនិងគ្រួសារដែលក្រីក្រនិងងាយរងគ្រោះ។យើងពិតជាមានការដឹងគុណយ៉ាងខ្លាំងសម្រាប់សមានចិត្តនេះហើយតាមរយៈការបន្តសហការជាមួយរាជរដ្ឋាភិបាលកម្ពុជាយើងនឹងអាចរួមគ្នាយកឈ្នះនឹងវិបត្តិសាកលលោកនេះបាន»។ គម្រោងដែលមានទឹកប្រាក់ជាង៧ម៉ឺន៧ពាន់ដុល្លារអាមេរិកនេះនឹងជួយដល់ក្រុមប្រឹក្សាឃុំតាមតំបន់គោលដៅក្នុងការពង្រឹងផែនការឆ្លើយតបនឹងជំងឺកូវីដ ១៩ ដោយអាចជួយសហគមន៍កាត់បន្ថយការឆ្លងជំងឺ តាមរយៈការលាងដៃជាមួយសាប៊ូនិងជេលលាងដៃការរក្សាគម្លាតសុវត្ថិភាព។ល។គន្លឹះពីការបង្រៀនកូនបែបវិជ្ជមាន ក៏នឹងត្រូវចែករំលែកដល់សហគមន៍តាមរយៈ ផ្ទាំងផ្សព្វផ្សាយ សៀវភៅណែនាំ កម្មវិធីវិទ្យុ ការជួបប្រជុំ ។ល។ ក្នុងអំឡុងខែឧសភា និងខែមិថុនា។ លោក វើម៉ា បានបន្ថែមទៀតថា៖ «សម្រាប់អង្គការឆាលហ្វាន ការការពារការរីករាលដាលនៃជំងឺកូវីត ១៩ជាវិធានការចាំបាច់បំផុតសម្រាប់តំបន់ដាច់ស្រយាលដែលសហគមន៍ស្ថិតនៅឆ្ងាយពីសេវាសុខាភិបាល។អង្គការឆាលហ្វាននឹងបន្តពង្រឹងកម្មវិធីរបស់ខ្លួនក្នុងការការពារជំងឺរាតត្បាតរហូតដល់មេរោគកាចសាហាវនេះរលាយបាត់អស់»៕សុផល