ឧត្តរមានជ័យ៖មន្ត្រីឧទ្យានុរក្សប្រចាំការក្នុងតំបន់ដែនជម្រកសត្វព្រៃសង្ឃរុក្ខាវ័ននៅខេត្តឧត្តរមានជ័យបង្ក្រាបបទល្មើសធនធានធម្មជាតិរួមមានឧបករណ៍សម្ភារនិងមធ្យោបាយដឹកជញ្ជូនបានជាង១០០ករណីចាប់ពីពាក់កណ្តាលឆ្នាំ២០១៨មក។ពីតំបន់ដែនការពារអភិរក្សនេះក្លាយជាតំបន់ដែនជម្រកសត្វព្រៃសង្ឃរុក្ខាវ័ន មកដល់ពេលបច្ចុប្បន្ន។ លោកភួងលីណាប្រធានមន្ទីរបរិស្ថានខេត្តឧត្តរមានជ័យបានឱ្យដឹងថាៈតំបន់ការពារដែនជម្រកសត្វសង្ឃរុក្ខាវ័នកម្លាំងមន្ត្រីឧទ្យានុរក្សបង្ក្រាបបទល្មើសនិងរឹបអូសបាននៅឧបករណ៍សម្ភារនិងមធ្យោបាយពីជនល្មើសធ្វើសកម្មភាពបានចំនួន១៣៤ករណី ផ្តើមពីអំឡុងពាក់កណ្តាលឆ្នាំ២០១៨ដល់២០១២០។ លោកបន្តថាឧបករណ៍សម្ភារនិងមធ្យោបាយទាំងនោះរួមមានគោយន្តកន្ត្រៃមធ្យោបាយដឹកជញ្ជូនចំនួន២២គ្រឿង,រណាយន្តចំនួន៤៨គ្រឿង,ឈើប្រណីតប្រភេទឈើធ្នង់កាត់អារជ្រៀកនិងមូលចំនួន២៣៤កំណាត់,ឈើសំណង់ជ្រៀកនិងមូលជិតចំនួន២០ម៉ែត្រគូប។កាំភ្លើងកែច្នៃចំនួន១៣ដើម,អន្ទាក់ដាក់ចាប់សត្វព្រៃចំនួន៦០២អន្ទាក់និងក្រៅពីនោះក៏ប្រមូលបាននៅវត្ថុតាងពាក់ព័ន្ធល្មើសធនធានធម្មជាតិជាច្រើនទៀត។ លោកប្រធានមន្ទីបញ្ជាក់ថាៈតំបន់ការពារដែនជម្រកសត្វព្រៃសង្ឃរុក្ខាវ័ននេះត្រូវបានបង្កើតឡើងនៅអំឡុងឆ្នាំ២០១៨ មានផ្ទៃដីសរុបចំនួន៣០.២៥៤ហិកតា មានព្រំប្រទល់ជាប់ចំនួន៣គឺស្រុកអន្លង់វែង, ស្រុកចុងកាល់,និងក្រុងសំរោង។ បច្ចុប្បន្នដែនជម្រកសត្វព្រៃសង្ឃរុក្ខាវ័ននៅមានបញ្ហាប្រឈមមួយចំនួនដូចជាការរុករានទន្ទ្រានកាន់កាប់ដីរដ្ឋក្នុងតំបន់ពីសំណាក់ពលរដ្ឋ,កងកម្លាំងប្រដាប់អាវុធនិងសកម្មភាពលូចកាត់អារឈើ,ការបរបាញ់សត្វព្រៃនិងការនេសាទខុសច្បាប់ដែលសកម្មភាពនេះសំបូរកើតឡើងនៅពេលយប់៕សាយ
សន្តិសុខ
នៅក្រុងបាវិតរថយន្តបើកបុកជាមួយម៉ូតូបណ្តាលឱ្យស្លាប់២នាក់របួសធ្ងន់ម្នាក់
ស្វាយរៀង៖គ្រោះថ្នាក់ចរាចរណ៍មួយរវាងរថយន្តបុកជាមួយម៉ូតូមួយគ្រឿងជិះឌុបគ្នាបីនាក់បណ្តាលឱ្យមានអ្នកស្លាប់២នាក់និងរបួសធ្ងន់ម្នាក់។ករណីនេះបានកើតឡើងនៅលើផ្លូវជាតិលេខ១ចន្លោះគឺឡូម៉ែត្រលេខ១៤៩,១៥០ក្នុងភូមិកំពោតប្រោសសង្កាត់ច្រកម្ទេសក្រុងបាវិតខេត្តស្វាយរៀងកាលពីព្រឹកថ្ងៃទី២៤ខែកក្កដាឆ្នាំ២០២០ ។ សមត្ថកិច្ចបានឱ្យដឹងថាមានម៉ូតូមួយគ្រឿងម៉ាកនិចពណ៌ទឹកប្រាក់ពាក់ស្លាកលេខស្វាយរៀង1N0213ជិះឌុបគ្នា៣នាក់បើកបរដោយឈ្មោះឃួនចន្ថនភេទប្រុសអាយុ១៧ឆ្នាំជាសិស្សនៅភូមិព្រៃគៀវឃុំកំពង់ចកស្រុករំដួលខេត្តស្វាយរៀង(ស្លាប់)។អ្នករួមដំណើរ២នាក់ទៀតឈ្មោះឆោធារិទ្ធភេទប្រុសអាយុ១៦ជាសិស្ស(ស្លាប់)។ឈ្មោះផនសុផាន់ភេទប្រុសអាយុ១៨ឆ្នាំរងរបួសធ្ងន់។ ម៉ូតូបុកជាមួយរថយន្តម៉ាកស៊ីណាពណ៌ស្ករពាក់ស្លាកលេខភ្នំពេញ2AP1992អ្នកបើកបរមិនស្គាល់អត្តសញ្ញាណបានខ្ទាតមកប៉ះរថយន្តម៉ាកហាយឡេនឌឺមួយគ្រឿងទៀតដែលកំពុងធ្វើដំណើរស្របទិសគ្នា(អ្នកបើកបរមិនស្គាល់អត្តសញ្ញាណ)។ចំពោះមធ្យោបាយទាំង២គ្រឿងសមត្ថកិច្ចបានយកមករក្សាទុកនៅអធិការដ្ឋាននគរបាលក្រុងបាវិតដើម្បីកសាងសំណុំរឿងចាត់ការតាមច្បាប់៕
សម្តេចកិត្តិព្រឹទ្ធបណ្ឌិតចាត់តំណាងទៅជួយកុមារីដែលរងគ្រោះដោយស្ត្រីដៃដល់ម្នាក់យកកាំបិតវះមុខ
ភ្នំពេញ៖ដោយក្តីអាណិតអាសូរចំពោះកុមារីអាយុ៥ឆ្នាំដែលរងគ្រោះថ្នាក់ធ្ងន់ធ្ងរដោយកាំបិតឆូតផ្ទៃមុខក ច្រមុះនិងដៃនោះនៅថ្ងៃ ទី២៣ ខែកក្កដា ឆ្នាំ២០២០នេះ សម្តេចកិត្តិព្រឹទ្ធបណ្ឌិត ប៊ុនរ៉ានីហ៊ុនសែនប្រធានកាកបាទក្រហមកម្ពុជាបានចាត់ឱ្យលោកស្រីពុំចន្ទីនីអគ្គលេខាធិការកាកបាទក្រហមកម្ពុជា។ បានទៅជួបសំណេះសំណាលសួរសុខទុក្ខជាមួយឪពុកម្តាយ កុមារី ឡាស់ម៉ាវី លីយ៉ា អាយុ៥ឆ្នាំដែលកំពុងព្យាបាលរបួសនៅមន្ទីរពេទ្យកុមារជាតិព្រមទាំងផ្តល់ការឧបត្ថម្ភថវិកាចំនួន៥លានរៀលគ្រឿងបរិភោគ និងសម្ភារប្រើប្រាស់មួយចំនួន ដើម្បីជួយសម្រាលការលំបាក និងការព្យាបាល។ ក្នុងឱកាសនោះ លោកស្រីអគ្គលេខាធិការ បានពាំនាំប្រសាសន៍របស់ សម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែនដែលផ្តាំផ្ញើសួរសុខទុក្ខនិងក្តីអាណិតអាសូរយ៉ាងពន់ពេកចំពោះកុមារីដែលទទួលរងគ្រោះ។ដោយស្ត្រីដៃដល់ម្នាក់យកកាំបិតវះមុខដោយសារតែក្មេងៗឈ្លោះគ្នាហើយជួបគ្រោះថ្នាក់បែបនេះស្របពេលដែលម្តាយកំពុងមានផ្ទៃពោះ៨ខែផង។ លោកស្រីបានលើកទឹកចិត្តនិងផ្តាំផ្ញើឱ្យថែទាំសុខភាពឱ្យបានល្អដើម្បីសុខភាពកូនក្នុងផ្ទៃហើយអនុវត្តតាមការណែនាំរបស់គ្រូពេទ្យនិងជូនពរដល់កុមារីលីយ៉ាឆាប់បានជាសះស្បើយឡើងវិញ។ លោកញ៉ង់វ៉ាន់នីនិងលោកស្រីហុងគឹមលានត្រូវជាឪពុកម្តាយរបស់កុមារីរងគ្រោះបានសម្តែងនូវការដឹងគុណយ៉ាងជ្រាលជ្រៅចំពោះសម្តេចកិត្តិព្រឹទ្ធបណ្ឌិតប៊ុនរ៉ានីហ៊ុនសែនដែលបានគិតគូរយកចិត្តទុកដាក់ចំពោះទុក្ខលំបាករបស់ប្រជាពលរដ្ឋរងគ្រោះដោយគ្មានការរើសអើងអ្វីឡើយ៕សុផល
ផាកពិន័យយានយន្តជាង១១ម៉ឺន៥ពាន់គ្រឿងក្នុងការអនុវត្តច្បាប់ចរាចរណ៍៨៤ថ្ងៃ
ភ្នំពេញ៖លោកឧត្តមសេនីយ៍ឯកឆាយគឹមខឿនអ្នកនាំពាក្យអគ្គស្នងការដ្ឋាននគរបាលជាតិបានឱ្យដឹងថា៖ លទ្ធផលរឹតបន្តឹងការអនុវត្តច្បាប់ចរាចរណ៍ផ្លូវគោក តាមស្មារតីអនុក្រឹត្យលេខ៣៩ រយៈពេល ៨៤ថ្ងៃ គិតចាប់ពីថ្ងៃទី១ ខែឧសភាដល់ថ្ងៃទី២៣ខែកក្កដាឆ្នាំ២០២០។ យានយន្តដែលត្រូវបានត្រួតពិនិត្យនិងផាកពិន័យសរុបចំនួន១១៥.៦៨០គ្រឿង។ក្នុងនោះម៉ូតូមានចំនួន៨៥.៥៤៧គ្រឿងនិងរថយន្តមានចំនួន ៣០.១៣៣គ្រឿង ក្នុងនោះរថយន្តតូចចំនួន ២៦.០១៥គ្រឿង និងរថយន្តធំចំនួន ៤.១១៨គ្រឿង។ លោកបន្តថាសម្រាប់ការអនុវត្តការរឹតបន្តឹងការច្បាប់ចរាចរណ៍ផ្លូវគោកថ្ងៃទី២៣ខែកក្កដាសមត្ថកិច្ចត្រួតពិនិត្យនិងផាកពិន័យយានយន្តចំនួន១.៣១១គ្រឿង។ក្នុងនោះម៉ូតូមានចំនួន៩៩២គ្រឿងនិងរថយន្តមានចំនួន ៣១៩គ្រឿង ក្នុងនោះរថយន្តតូចចំនួន ២៧៥គ្រឿង និងរថយន្តធំចំនួន ៤៤គ្រឿង។ បទល្មើសភាគច្រើនសម្រាប់ម៉ូតូ គឺអត់ពាក់មួកសុវត្ថិភាព ល្មើសសញ្ញា បត់ជែង លើសចំណុះ ស្រវឹង អត់ផ្លាកលេខ និងនិយាយទូរស័ព្ទពេលបើកបរ។សម្រាប់រថយន្តភាគច្រើនគឺល្មើសល្បឿនល្មើសសញ្ញា អត់ប័ណ្ណបើកបរ អត់ខ្សែក្រវ៉ាត់ លើសចំណុះ គ្មានស្លាកលេខ និងនិយាយទូរស័ព្ទពេលបើកបរ៕
អ្នកទេសចរនៅជ្រោះទឹកធ្លាក់ក្បាលឆាយឪពុកស្លាប់កូនរួចផុតជីវិត
ខេត្តព្រះសីហនុ៖ឪពុកដឹងស្ថានភាពមិនល្អឃើញកូនចុះហែលទឹកលេងរកកលនិងលង់ក៏ចុះទៅនាំកូនឡើងគោកវិញ។តែសំណាងអាក្រក់ឪពុករូបនោះក៏រអិលជើងបោកក្បាលលើផ្ទាំងថ្មបណ្តាលឱ្យស្លាប់ក្នុងល្អាងទឹកជ្រៅតែម្តង។ នេះជាសោកនាដកម្មលើគ្រួសារតូចមួយដែលនាំក្រុមគ្រួសារទៅលេងរមណីយ៍ដ្ឋាន។ករណីនេះកើតឡើងនៅរមណីយ៍ដ្ឋានទឹកជ្រោះក្បាលឆាយក្នុងភូមិ១សង្កាត់លេខ១ក្រុង-ខេត្តព្រះសីហនុកាលពីល្ងាចថ្ងៃទី២៣ខែកក្កដាឆ្នាំ២០២០។ សមត្ថកិច្ចបានឱ្យដឹងថា៖សពជនរងគ្រោះឈ្មោះឈួនឈាភេទប្រុសអាយុ៤៧ឆ្នាំមុខរបររត់ម៉ូតូបច្ចុប្បន្នស្នាក់នៅបន្ទប់ជួលក្បែររោងចក្រញ៉ូស៊ីនក្រុម៦ភូមិ១សង្កាត់១ក្រុង.ខេត្តព្រះសីហនុ។ សមត្ថកិច្ចបន្តថាបុរសរងគ្រោះដំបូងបានចុះទៅជួយកូនរបស់ខ្លួនដែលរកកលលង់ទឹក។តែចៃដន្យអាក្រក់ក៏ដួលបោកក្បាលខ្លួនឯងនឹងល្បាក់ថ្មធ្លាក់ទឹកលង់ស្លាប់តែម្តង។ចំណែកកូនជនរងគ្រោះមិនមានគ្រោះថ្នាក់ទេ៕
គ្រោះថ្នាក់ចរាចរណ៍ស្លាប់៣៤៩នាក់របួសជាង១ពាន់នាក់ក្នុងរយៈពេល៨៤ថ្ងៃ
ភ្នំពេញ៖លោកឧត្តមសេនីយ៍ឯកឆាយគឹមខឿនអ្នកនាំពាក្យអគ្គស្នងការដ្ឋាននគរបាលជាតិបានឱ្យដឹងថាគ្រោះថ្នាក់ចរាចរណ៍រយៈពេល៨៤ថ្ងៃគិតចាប់ពីថ្ងៃទី១ខែឧសភាដល់ថ្ងៃទី២៣ខែកក្កដា ឆ្នាំ២០២០ បានកើតឡើង ៦៣៩លើក។ ស្លាប់មនុស្សចំនួន ៣៤៩នាក់ របួសចំនួន ១.០១១នាក់ ក្នុងនោះរបួសធ្ងន់ ៥៨២នាក់។ សម្រាប់គ្រោះថ្នាក់ចរាចរណ៍នៅថ្ងៃទី២៣ ខែកក្កដា កើតឡើងចំនួន ៦លើក ស្លាប់ ៣នាក់ របួស ៩នាក់ ក្នុងនោះរបួសធ្ងន់ចំនួន ៦នាក់។ បើតាមរបាយការណ៍បូកសរុបលទ្ធផលការងារសុវត្ថិភាពចរាចរណ៍ផ្លូវគោក ប្រចាំឆមាសទី១ឆ្នាំ២០២០ បានឲ្យដឹងថា គ្រោះថ្នាក់ចរាចរណ៍ក្នុងឆមាសទី១ ឆ្នាំ២០២០ បានកើតឡើងចំនួន ១.៦១៩លើក បណ្ដាលឱ្យស្លាប់ចំនួន៨១៦នាក់។របួសចំនួន២.៤៤៩នាក់របួសធ្ងន់១.១២៣នាក់។អ្នកស្លាប់ភាគច្រើននៅរាជធានីភ្នំពេញ ១៤៦នាក់ ខេត្តកំពង់ធំ ៦០នាក់ និងខេត្តកណ្ដាល ៥៩នាក់។ របាយការណ៍ដដែលបានបន្តថាមូលហេតុនៃការគ្រោះថ្នាក់ចរាចរណ៍មកពីបើកបរលើសល្បឿនកំណត់៣៣ភាគរយមិនគោរពសិទ្ធិ២៣ភាគរយមិនប្រកាន់ស្គាំ១៤ភាគរយវ៉ាជែង១០ភាគរយបត់១០ភាគរយស្រវឹង៦ភាគរយកត្តាយានយន្ដ៤ភាគរយនិងងងុយ១ភាគរយ។ បើប្រៀបធៀបឆមាសទី១ឆ្នាំ២០១៩គ្រោះថ្នាក់ថយចំនួន៥៥២លើកស្មើ២៥ភាគរយ(១.៦១៩/២.១៧១លើក)ស្លាប់ថយចំនួន១៧២នាក់ស្មើ១៧ភាគរយ(៨៦១/១.០៣៣នាក់)និងរបួសថយ៧៧៨នាក់ ស្មើ២៤ភាគរយ (២.៤៤៩/៣.២២៧នាក់)៕
តុលាការឃុំខ្លួនឪពុករំលោភកូនបង្កើតបានសម្រេចជាច្រើនដងនៅស្រុកថ្ពង
កំពង់ស្ពឺ៖តុលាការសម្រេចឃុំខ្លួនឪពុកដែលរំលោភកូនខ្លួនឯងបង្កើតបានសម្រេចជាច្រើនដងហើយត្រូវបានសមត្ថកិច្ចឃាត់ខ្លួនតាមពាក្យបណ្តឹងជនរងគ្រោះនៅចំណុចភូមិកន្ធាំឃុំវាលពន់ស្រុកថ្ពងខេត្តកំពង់ស្ពឺ កាលពីថ្ងៃទី២១ ខែកក្កដា ឆ្នាំ២០២០។ លោក ហ៊ុនសុខហុន អធិការស្រុកថ្ពង បានឱ្យដឹងថាជនសង្ស័យជាឪពុកឈ្មោះ ជា ហាន អាយុ៤២ឆ្នាំ និងជនរងគ្រោះជាកូនឈ្មោះហ.ស.ណអាយុ១៦ឆ្នាំទាំងពីរនាក់រស់នៅភូមិឃុំខាងលើ។ក្រោយពីទទួលពាក្យបណ្តឹងពីប្រពន្ធព្រមទាំងជនរងគ្រោះនោះមកលោកក៏បានបញ្ជាកម្លាំងឃាត់និងនាំខ្លួនបុរសសង្ស័យមកកាន់អធិការដ្ឋាននគរបាលស្រុកថ្ពងដើម្បីសាកសួរ។ ជនរងគ្រោះបានរៀបរាប់ថា៖មុនពេលកើតហេតុខ្លួនកំពុងនៅលើផ្ទះតែម្នាក់ឯងរីឯម្តាយបានដើរទៅទិញម្ហូបស្រាប់តែឪពុកឃើញឱកាសល្អបានអោបថើបនិងបង្ខំនាងរួមភេទជាមួយជាបន្តបន្ទាប់។នាងក៏និយាយទៅឪពុកខ្លួនថាសូមឪឯងកុំដេកជាមួយខ្ញុំទៀតអីខ្ញុំខ្លាចណាស់។បន្ទាប់មកជនសង្ស័យបានខឹងយ៉ាងខ្លាំង។ដោយទ្រាំនិងទង្វើថោកទាបរបស់ឪពុកមិនបាននាងបានប្រាប់ម្តាយព្រមទាំងដាក់ពាក្យបណ្តឹងឱ្យសមត្ថកិច្ចជួយអន្តរាគមន៍ រកយុត្តិធម៌ជូនខ្លួន ។ ចម្លើយសារភាពរបស់ជនសង្ស័យឈ្មោះជាហានបានបញ្ជាក់ឱ្យដឹងថាខ្លួនពិតជាមួយបានបង្ខំរួមភេទជាមួយជនរងគ្រោះដែលជាកូនបង្កើតខ្លួនពិតប្រាកដមែន។ក្រោយពីកូនពេញក្រមុំបានចំនួន៣លើកមកហើយ។លើកចុងក្រោយដឹងដល់ប្រពន្ធទើបឈានដល់ការឃាត់ខ្លួនតែម្តង។បច្ចុប្បន្នជនសង្ស័យត្រូវបានតុលាការសម្រេចឃុំខ្លួនដាក់ពន្ធនាគារនៅព្រឹកថ្ងៃទី២៤ ខែកក្កដា ឆ្នាំ២០២០៕
មិនមែនសមត្ថកិច្ចបុកតែជាការបើកបំបុកសមត្ថកិច្ចដើម្បីគេចខ្លួនទៅវិញទេ
មណ្ឌលគិរីៈរដ្ឋបាលស្រុកកែវសីមាកាលពីថ្ងៃទី២៣ខែកក្កដាឆ្នាំ២០២០នេះបានចេញសេចក្តីប្រកាសព័ត៌មានមួយ ក្រោយមានមហាជន និងសារព័ត៌មាន មួយចំនួនតូចមានការភាន់ច្រឡំ ទៅនិងប្រតិបត្តិការបង្ក្រាបបទល្មើសព្រៃឈើរបស់កងឯកភាពស្រុកកែវសីមាថាជាការ «បើកបំបុក ឡានរបស់ក្រុមឈ្មួញដើម្បីចាប់»។ ក្នុងសេចក្តីប្រកាសព័ត៌មាន បានបង្ហាញថា នៅវេលាម៉ោង៤ និង ៤៥នាទីទៀបភ្លឺ ថ្ងៃទី២២ ខែ កក្កដា ឆ្នាំ២០២០ ក្រុមការងារលេខាធិការដ្ឋាន នៃគណៈបញ្ជាការឯកភាពស្រុក ដឹកនាំដោយលោកហឿន សុខណាអភិបាលរងស្រុកនិងជាប្រធានក្រុមការងារលេខាធិការដ្ឋានបានធ្វើការចាប់ឃាត់រថយន្តកាមរីឆ្លាមពណ៌ទឹកប្រាក់១គ្រឿងគ្មានស្លាកលេខ។ដែលដឹកឈើប្រភេទលេខ១សុក្រំចំនួន៣ដុំក្រោមការដឹកនាំបញ្ជាផ្ទាល់ដោយលោកអៀងសុគន្ធព្រះរាជអជ្ញារងនៃអយ្យការអមសាលាដំបូងខេត្តមណ្ឌលគិរី ។ ក្នុងសកម្មភាពនោះ ក៏បានធ្វើការឆែកឆេរផ្ទះជនល្មើស ដោយបានរកឃើញគំនរឈើប្រភេទលេខ១ សុក្រំនិងគគីរ ដែលក្រុមជនល្មើសបានដឹកយកមកទុក ចំនួន៣៤ ដុំ។ក្នុងនោះមាន សុក្រំចំនួន ២៨ដុំ និងគគីរចំនួន៦ដុំនៅចំណុចបរិវេណផ្ទះរបស់ឈ្មោះណាងតៃស្រ៊ានស្ថិតនៅក្នុងភូមិឡាប៉ាខេឃុំស្រែខ្ទុម ស្រុកកែវសីមា ខេត្តមណ្ឌលគិរី។ ក្នុងសេចក្តីប្រកាសព័ត៌មានបានបញ្ជាក់ប្រាប់ថាវត្ថុតាងដែលរឹបអូសរួមមាន៖រថយន្តឆ្លាមពណ៌ទឹកប្រាក់ ចង្កូតឆ្វេងគ្មានស្លាកលេខ១គ្រឿងឈើអារបួនជ្រុងចំនួន៣៤ដុំដែលឈើទាំងនោះត្រូវប្រគល់ជូនផ្នែករដ្ឋបាលព្រៃឈើជាអ្នកគ្រប់គ្រង។ ការប្រកាសព័ត៌មាននោះបានបន្តទៀតថាករណីនេះមានការភាន់ច្រឡំដល់មហាជននិងអ្នកសារព័ត៌មានមួយចំនួនថាជាករណីគ្រោះថ្នាក់ចរាចរណ៍ដោយបានចោទប្រកាន់ថាក្រុមការងារបង្ក្រាបបទល្មើសស្រុកបានបើកបំបុករថយន្តដឹកជញ្ជូនឈើខុសច្បាប់ពីក្រោយធ្វើឱ្យអ្នកបើកបរមានរបួសធ្ងន់ត្រូវបានបញ្ជូនទៅមន្ទីរពេទ្យនៅភ្នំពេញ។ ជាក់ស្ដែងករណីនេះជាករណីបង្ក្រាបទប់ស្កាត់បទល្មើសព្រៃឈើដោយក្រុមជនល្មើសដឹកឈើខុសច្បាប់បានបើករថយន្តកាមរីឆ្លាមពណ៌ទឹកប្រាក់បំបុកសមត្ថកិច្ចចម្រុះបម្រុងគេចខ្លួនតែត្រូវបានជាប់ជាមួយនឹងកាងរថយន្តមន្ត្រីកងកម្លាំងសមត្ថកិច្ចចម្រុះទៅមុខពុំរួចនៅចំណុចកើតហេតុតែម្ដង។ ក្រុមគ្រួសារជនល្មើសបានចេញមកជួយនិងបានធ្វើសកម្មភាពប្រើហិង្សានិងជេរបញ្ចោរក្រុមសមត្ថកិច្ចគ្រប់បែបយ៉ាង ព្រមទាំងបានរារាំងសមត្ថកិច្ចជំនាញមិនឱ្យរឹបអូសវត្ថុតាង និងជនបង្កថែមទៀតផង។ ក្រុមលេខាធិការដ្ឋានស្រុកកែវសីមាត្រូវបានគេទទួលស្គាល់ថាសកម្មភាពក្នុងការទប់ស្កាត់បទល្មើសព្រៃឈើខ្លាំងណាស់។ប៉ុន្តែដោយសារតែចំនួននៃក្រុមប្រព្រឹត្តបទល្មើសសុទ្ធសឹងតែជាមនុស្សកាចសាហាវ ទើបការបង្ក្រាបពុំមានភាពស្រាកស្រានទាល់តែសោះ៕ចាន់បុត្រ
ជនរងគ្រោះអះអាងថា៖មានប៉ូលិសខេត្តព្រៃវែងម្នាក់ចាប់ពួកគាត់ធ្វើទារុណកម្មរួចជំរិតយកលុយ៤លានរៀល
ព្រៃវែង៖ពលរដ្ឋជាជនរងគ្រោះបានអះអាងថា៖មានមន្ត្រីប៉ូលិសការិយាល័យប្រឆាំងគ្រឿងខេត្តព្រៃវែងម្នាក់បានដកកាំភ្លើងខ្លីវាយរហូតមានរបួសស្នាមនិងគំរាមបាញ់សម្លាប់រួចចាប់ពួកគាត់យកទៅវាយដំធ្វើទារុណកម្មនិងជំរិតយកលុយ៤លានរៀលនៅឯការិយាល័យរបស់ខ្លួនជាថ្នូរនិងការដោះលែងវិញ។ ប្រភពដដែលបានបន្តថាជនរងគ្រោះក្នុងអំពើហិង្សានេះមាន២នាក់ទី១ឈ្មោះថៃសាមាឌភេទប្រុសអាយុ២៦ឆ្នាំ។២ឈ្មោះហឿនរ័ត្នភេទប្រុសអាយុ២៨ឆ្នាំអ្នកទាំង២នៅភូមិស្វាយសុខោសង្កាត់ជើងទឹកក្រុងព្រៃវែងខេត្តព្រៃវែង។ក្នុងនោះម្នាក់បានរបួសហើមក្បាលជាំភ្នែកខៀវហើមខ្លួននិងដៃជើងរងរបួសធ្ងន់កំពុងព្យាបាលព្យួសេរ៉ូមរៀងៗខ្លួន។ជនដៃដល់ត្រូវបានគេស្គាល់ថា៖អនុសេនីយ៍ឯងទូចធារ៉ានាយរងការិយាល័យប្រឆាំងគ្រឿងញៀនខេត្តព្រៃវែង។
សមត្ថកិច្ចបញ្ជូនជនសង្ស័យម្នាក់និងវត្ថុតាងទៅតុលាការ
បាត់ដំបង៖កម្លាំងនគរបាលប្រឆាំងគ្រឿងញៀនខេត្តកាលពីរសៀលថ្ងៃទី២៣ខែកក្កដាឆ្នាំ២០២០បានបញ្ជូនជនសង្ស័យមា្នក់និងវត្ថុតាងមួយចំនួនទៅតុលាការពីបទជួញដូរគ្រឿងញៀន។ជនសង្ស័យរូបនេះដែលកម្លាំងនគរបាលស្រុកកំរៀងឃាត់ខ្លួននៅភូមិតាំងយូឃុំអូរដារស្រុកកំរៀងខេត្តបាត់ដំបងកាលពីរសៀលថ្ងៃទី២២ខែកក្កដាឆ្នាំ២០២០។ មន្ត្រីនគរបាលផ្នែកប្រឆាំងគ្រឿងញៀនខេត្តបានឱ្យដឹងថាជនសង្ស័យមានឈ្មោះនីវណ្ណដាហៅហ៊ុបភេទប្រុសអាយុ៣០ឆ្នាំរស់នៅភូមិលំផាត់ឃុំអូរដារស្រុកកំរៀង។ វត្ថុតាងចាប់យកបានមាន៖ថ្នាំញៀនប្រភេមេតំហ្វតាមីន(ម៉ាទឹកកកICE)ចំនួន៥ថង់ទម្ងន់៣,១៤ក្រាម(ទាំងសំបក)ថ្មាំញៀនប្រភេទមេតំហ្វេតាមីន(យ៉ាម៉ាWY)ចំនួន៧គ្រាប់ទម្ងន់០,៦២ក្រាមទូរស័ព្ទដៃ២គ្រឿងនិងម៉ូតូ១គ្រឿងម៉ាកហុងដាវ៉េវពណ៌សលាយខ្មៅគ្មានស្លាកលេខ(ចាស់)៕