ស្ទឹងត្រែង៖នៅព្រឹកថ្ងៃទី៨ ខែតុលាឆ្នាំ២០២២នេះមន្ត្រីបរិស្ថានបានចុះបង្ក្រាបនិងរឹបអូសសាច់សត្វព្រៃនៅផ្សារសាមគ្គីក្រុងស្ទឹងត្រែងបានជាច្រើនគីឡូក្រាម។មន្ត្រីចុះប្រតិបត្តិការបានឱ្យដឹងថា ករណីនោះចាប់បានតែសាច់សត្វព្រៃតែប៉ុណ្ណោះ។ចំណែកអ្នកលក់បានដឹងខ្លួនគេចបាត់ពេលឃើញមន្ត្រីបរិស្ថានចុះទៅក្នុងផ្សារ។គេគ្រាន់តែដឹងថាក្រុមអ្នកលក់សត្វព្រៃទាំងនោះគឺជាមុខសញ្ញាចាស់ដែលសមត្ថកិច្ចចុះបង្ក្រាបជាច្រើនដងកន្លងមក។ក្រោយពេលចុះបង្ក្រាបភ្លាមមន្ត្រីបរិស្ថានមិនទាន់បង្ហាញពីចំនួននៃការរឹបអូសសាច់សត្វនៅឡើយទេ។តែបានបញ្ជាក់ថានឹងយកទៅរៀបចំដុតកម្ទេចចោលដើម្បីជាការព្រមានកុំឱ្យមានអ្នកជួយដូរសត្វព្រៃខុសច្បាប់បន្តទៀត៕ដោយ:សុខុម
Related Articles
សមត្ថកិច្ចឱ្យពលរដ្ឋ៨នាក់បកក្រោយដែលធ្វើដំណើរពីភ្នំពេញទៅប៉ោយប៉ែត
កំពង់ឆ្នាំង៖កម្លាំងសមត្ថកិច្ចខេត្តកំពង់ឆ្នាំងបានឱ្យពលរដ្ឋចំនួន៨នាក់បកក្រោយវិញដែលធ្វើដំណើរតាមរថយន្តរួមគ្នាមួយគ្រឿងចេញពីភ្នំពេញធ្វើដំណើរឆ្លងទៅក្រុងប៉ោយប៉ែតនៃខេត្តបន្ទាយមានជ័យ។តែត្រូវឃាត់នៅតាមផ្លូវនិងបានតម្រូវឱ្យបកត្រឡប់ក្រោយមកភ្នំពេញវិញបន្ទាប់ពួកគេឆ្លងកាត់តាមផ្លូវដោយបំពានបម្រាមគោចរត្រង់ព្រំប្រទល់ខេត្តកំពង់ស្ពឺនិងខេត្តកំពង់ឆ្នាំង។ លោកវរសេនីយ៍ឯក ទឹម ចាន់ធី អធិការនគរបាលស្រុករលាប្អៀរ បានប្រាប់ឱ្យដឹងនៅព្រឹកថ្ងៃទី២១ ខែមេសាឆ្នាំ២០២១នេះថា៖ការឃាត់រថយន្តអ្នកដំណើរនេះបានកើតឡើងនៅថ្ងៃទី២០ ខែមេសា ឆ្នាំ២០២១។រថយន្តនោះម៉ាកហាយឡិនឌឺពាក់ផ្លាកលេខភ្នំពេញ2AY1871ជិះគ្នា៨នាក់ទាំងអ្នកបើកបរផងធ្វើដំណើរចេញពីភ្នំពេញទៅប៉ោយប៉ែត។មកដល់គោលដៅព្រំប្រទល់ខេត្តកំពង់ស្ពឺនិងខេត្តកំពង់ឆ្នាំងរថយន្តនេះបានបំពានបម្រាមបើកឆ្លងកាត់ដោយគ្មានការអនុញ្ញាតពីសមត្ថកិច្ចឈរជើងនៅគោលដៅនោះឡើយ។ លោកវរសេនីយ៍ឯកបានបន្តថា៖បន្ទាប់ពីទទួលបានបទបញ្ជាពីលោកស្នងការឱ្យសហការជាមួយនគរបាលស្រុកកំពង់ត្រឡាចចុះឃាត់រថយន្តនេះដែលបានបំពានបម្រាមធ្វើដំណើរតាមផ្លូវជាតិលេខ៥ឆ្លងកាត់ភូមិសាស្ត្រស្រុកកំពង់ត្រឡាចនិងស្រុករលាប្អៀរ។រថយន្ដនេះបានឃាត់នៅម្តុំភូមិគោកស្ដៅឃុំទឹកហូតស្រុករលាប្អៀរនិងបានបញ្ជូនទៅស្នងការដ្ឋាននគរបាលខេត្ត ដើម្បីសួរនាំ។ បន្ទាប់ពីសាកសួររួចរាល់លោកស្នងការនគរបាលខេត្តក៏បានឱ្យរថយន្ដនេះត្រឡប់ក្រោយវិញដោយមានកម្លាំងសន្តិសុខបើករថយន្តជូនរហូតឆ្លងគោលដៅដែលសមត្ថកិច្ចកំពុងឈរជើងនៅព្រំប្រទល់ខេត្តកំពង់ស្ពឺ និងខេត្តកំពង់ឆ្នាំង៕ដោយ៖វិចិត្រ
បើករថយន្តស៊េរីទំនើបលឿនជ្រុលបុកបង្កាន់ដៃស្ពានអាកាស៧មករា
ភ្នំពេញ៖ស្ត្រីម្នាក់បានបើករថយន្តឡង់គ្រីះស័ររពណ៌ខ្មៅគ្មានស្លាកលេខយ៉ាងលឿនទៅបុកបង្កាន់ដៃស្ពានអាកាស៧មករារងការខូចខាតយ៉ាងដំណំដោយស្ត្រីវ័យក្មេងម្នាក់នោះមិនត្រូវបានស្គាល់អត្តសញ្ញាណទេ។ហេតុការណ៍នេះបានកើតឡើងនៅតាមបណ្ដោយផ្លូវសហព័ន្ធរុស្សីក្នុងសង្កាត់ទឹកល្អក់ទី១ខណ្ឌទួលគោកកាលពីយប់ថ្ងៃទី១ខែឧសភាឆ្នាំ២០២០។ ប្រភពពីកន្លែងកើតហេតុបានឱ្យដឹងថាដំបូងឡើយគេឃើញស្រីស្អាតម្នាក់បានបើករថយន្តឡង់គ្រីះស័រ តាមបណ្ដោយផ្លូវសហព័ន្ធរុស្ស៊ីយ៉ាងលឿនខណៈមកដល់ចំណុចកើតហេតុខាងលើក៏រ៉េចង្កូតមកស្ដាំដៃបន្តិចស្រាប់តែបុកនឹងបង្កាន់ដៃស្ពានអាកាស៧មករាបណ្តាលឲ្យរងការខូចខាតបង្កាន់ដៃស្ពាន។ ចំណែកឯរថយន្តវិញបានរងការខូចខាតកំពិតផ្នែកខាងមុខ។រថយន្តបានព្យាយាមបើករត់បានចម្ងាយប្រហែល១០០ម៉ែត្រមកឈប់នៅការ៉ាស់សាំងសូគីម៉ិចដោយសារតែរថយន្តមានផ្សែងហុយចេញពីក្នុងម៉ាស៊ីនហើយអ្នកបើកបរខ្លាចឆេះក៏ឈប់រថយន្ត។ ក្រោយពីកើតហេតុសមត្ថកិច្ចចុះមកស្ទូចយករថយន្តបង្កព្រមទាំងស្រីអ្នកបើករថយន្តនោះទៅស្នងការ នគរបាលរាជធានីភ្នំពេញរង់ចាំដោះស្រាយទៅតាមផ្លូវច្បាប់នៅពេលក្រោយ៕
ឃាត់ខ្លួនជនម្នាក់ពាក់ព័ន្ធគ្រឿងញៀននិងដកហូតវត្ថុតាងមួយចំនួន
សៀមរាប:កម្លាំងកងរាជអាវុធហត្ថស្រុកជីក្រែងបានឃាត់ខ្លួនជនសង្ស័យម្នាក់ពាក់ព័ន្ធគ្រឿងញៀននិងដកហូតវត្ថុតាងមួយចំនួន។ករណីបង្ក្រាបនេះបានធ្វើឡើងស្ថិតនៅចំណុចភូមិតាពៀម ឃុំកំពង់ក្ដីស្រុកជីក្រែង ខេត្តសៀមរាបកាលពីថ្ងៃទី១៨ខែមករាឆ្នាំ២០២០។ សមត្ថកិច្ចបានឱ្យដឹងថាករណីគ្រឿងញៀននេះសមត្ថកិច្ចឃាត់ខ្លួនជនសង្ស័យបានម្នាក់និងដកហូតវត្ថុតាងមួយចំនួន។ជនសង្ស័យឈ្មោះទេពពិទូភេទប្រុសអាយុ៣១ឆ្នាំទីលំនៅបច្ចុប្បន្នភូមិប៉ាលេឡៃសង្កាត់ប៉ាលេឡៃ១ ក្រុងប៉ោយប៉ែត ខេត្តបន្ទាយមានជយ័ ។ វត្ថុតាងដកហូតបានរួមមាន ម្សៅក្រាមពណ៌ថ្លាចំនួន៩កញ្ចប់ មានទំងន់ ១៨.១៩៥ក្រាម , ថ្នាក់ WY ចំនួន៦២គ្រាប់,ទូរសព្ទដៃម៉ាកoppoចំនួន១គ្រឿង។វត្ថុតាងនិងជនសង្សយ័ត្រូវបានកសាងសុំណុំរឿងបញ្ជូនទៅសាលាដំបូងខេត្តសៀមរាប ដើម្បីចាត់ការតាមនិតិវិធីច្បាប់៕