អន្តរជាតិ៖កីឡាករបាល់ទាត់អាហ្សង់ទីនលោកឌីហ្គូម៉ារ៉ាដូណា(DiegoMaradona)បានស្លាប់ដោយសារគាំងបេះដូង នៅអាយុ ៦០ឆ្នាំកាលពីថ្ងៃពុធទី២៥ខែវិច្ឆិកាឆ្នាំ២០២០។ លោកម៉ារ៉ាដូណាត្រូវគេទទួលស្គាល់ថាជាកីឡាករដ៏ឆ្នើមម្នាក់នៅក្នុងប្រវត្តិសាស្ត្រនៃការប្រកួតកីឡាបាល់ទាត់ពានរង្វាន់ពិភពលោកបន្ទាប់ពីលោកជួយឱ្យប្រទេសរបស់លោកទទួលបានពានរង្វាន់ពិភពលោក នៅឆ្នាំ ១៩៨៦។រដ្ឋាភិបាលអាហ្សង់ទីន បានប្រកាសកាន់ទុក្ខថ្នាក់ជាតិរយៈពេល ៣ថ្ងៃ ខណៈដែលសពរបស់លោកម៉ារ៉ាដូណានឹងដាក់តម្កល់នៅឯរដ្ឋCasaRosadaជាកន្លែងកៅអីរបស់រដ្ឋាភិបាលអាហ្សង់ទីន។ កីឡាករបាល់ទាត់ អាហ្សង់ទីន លោក ឌីហ្គូ ម៉ារ៉ាដូណា សូមបញ្ជាក់ថាលោកម៉ារ៉ាដូណាគឺជាកីឡាករដែលបានលេងឱ្យក្លិបជាច្រើនរួមមានក្លិបបាល់ទាត់បាសេឡូណា (Barcelona) និង ក្លិបណាប៉ូលី (Napoli) ។លោកគឺជាប្រធានក្រុម ក្នុងឆ្នាំដែលអាហ្សង់ទីន ឈ្នះពានរង្វាន់ពិភពលោក ឆ្នាំ ១៩៨៦ ដោយរកបានគ្រាប់បាល់ច្រើន ឈ្នះអង់គ្លេសក្នុងវគ្គផ្តាច់ព័ត្រ ។រហូតគេដាក់រហ័ស្សនាមហៅលោកថាជា ដៃរបស់ព្រះ(Hand of God)៕ឡេង ដេត
កីឡា
ពេជ្រ ប៊ុនសិទ្ធ និង ភួង ឡាំកូស៊ីននរណាកក់កៅអីជុំទី២?
ភ្នំពេញ៖ព្រឹត្តិការណ៍TV5BoxingKnockOutSeriebyCellcardសម្រាប់ថ្ងៃទី១៩កញ្ញាអ្នកប្រដាល់ជើងខ្លាំងវ័យក្មេង២រូបទៀតហើយដែលត្រូវប្រជែងគ្នាដណ្ដើមយកកៅអីសម្រាប់វគ្គជម្រុះជុំទី២ ។ សម្រាប់ព្រឹត្តិការណ៍នេះអ្នកចាញ់គឺហាលអាវចំពោះអ្នកឈ្នះនឹងឡើងទៅប្រកួតជម្រុះបន្តនៅជុំទី២ទៀត ។ពេជ្រ ប៊ុនសិទ្ធក្លិបចលនាយុវជនកម្ពុជា១៥៧គុនខ្មែរជួបជាមួយអ្នកប្រដាល់ជាយដែនភួន ឡាំកូស៊ីនមកពីក្លិបសាន់យ៉ាន់នាគា ។ពួកគេជាកំពូលអ្នកខ្លាំងក្នុងប្រភេទទម្ងន់៥៤គីឡូក្រាមដូចគ្នា ។ ខ្លាំងនិងខ្លាំងជួបគ្នាមិនដឹងថានរណាប្រជែងបានកៅអីនៅវគ្គជម្រុះជុំទី២ហើយនរណាត្រូវវេចសម្ពាយត្រឡប់ទៅផ្ទះវិញនោះទេ។ប៊ុនសិទ្ធគេមានប្រវត្តិប្រកួតចំនួន៦៨ដងឈ្នះ៥០ដងចាញ់១០និងស្មើពិន្ទុ៨ដង។គេជាអ្នកប្រដាល់ដែលចូលចិត្តវ៉ៃប្ដូរកែងនិងជង្គង់មិនតែប៉ុណ្ណោះគេវ៉ៃមិនសូវចេះសន្សំសំចៃកម្លាំងឡើយ ។ ចំពោះភួនឡាំកូស៊ីនវិញមួយរយៈនេះគេបានធ្វើឱ្យទស្សនិកជនចាប់អារម្មណ៍យ៉ាងខ្លាំងដោយសារតែគេមានរបៀបវ៉ៃយ៉ាងពិសេស គឺល្អទាំងវ៉ៃលុក និង ល្អទាំងការការពារមិនតែប៉ុណ្ណោះកម្លាំងគេក៏ល្អ ។អ្នកប្រដាល់ជាយដែនរូបនេះមានប្រវត្តិប្រកួត៤៥ដង ឈ្នះ៣៥ដង ចាញ់៧ដង និងស្មើពិន្ទុ៣ដង ។ ជើងខ្លាំងភួនឡាំកូស៊ីនដែលខំស្កាត់មកពីពីជាយដែនខេត្តបន្ទាយមានជ័យនិងពេជ្រប៊ុនសិទ្ធដែលជាអ្នកលេងដីក្រុងភ្នំពេញមិនដឹងថានរណាខ្ទាតចេញពីការប្រកួតនោះឡើយ ? សូមបញ្ជាក់ថាមកទល់ពេលនេះមានអ្នកប្រដាល់ចំនួន៣រូបហើយដែលបានកក់កៅអៅសម្រាប់ប្រកួតបន្តនៅវគ្គជម្រុះជុំទី២ហើយក៏មានអ្នកប្រដាល់៣រូបដែរដែលខ្ទាតចេញពីការប្រកួតនោះ ។ ចំពោះគូប្រកួតក្រៅព្រឹត្តិការណ៍ពានរង្វាន់វិញនោះលន់សៀកឡេងក្លិបថ្នល់ទទឹងគុនខ្មែរត្រូវបានផ្គូរផ្គងឲ្យប្រកួតជាមួយអ្នកប្រដាល់ងួនគាក្លិបតាឡីដំរីមានរិទ្ធដោយប្រកួតគ្នាក្នុងប្រភេទទម្ងន់៥៧គីឡូក្រាម ។ សៀកឡេងជាអ្នកប្រដាល់ដែលចូលចិត្តវ៉ៃប្ដូរហើយនៅពេលប្រកួតប្រសិនបើគេអាចផ្ដួលគូប្រកួតបានគេនឹងផ្ដួលភ្លាមៗតែម្ដង។តែជួបជាមួយងួនគាវាមិនមែនជារឿងងាយស្រួលនោះទេគេជាអ្នកប្រដាល់ចិត្តធ្ងន់វ៉ៃមិនឆេវឆាវជាពិសេសគេជាអ្នកប្រដាល់ដែលមិនងាយគូប្រកួតវាយឱ្យសន្លប់នោះឡើយ ។ ជំនួបមួយនេះនរណាឈ្នះតែសម្រាប់ងួនគាប្រសិនបើគេចាញ់នោះក៏គេធ្វើឲ្យគូប្រកួតវេទនានិងទ្រមខ្លួនដែរ។តុបផេងក្លិបកុលបុត្រគុនខ្មែរត្រូវបានដាក់ឱ្យប្រកួតជាមួយអ្នកប្រដាល់សូដាលីម៉ូក្លិបគោព្រៃគុនខ្មែរដោយពួកគេប្រកួតគ្នាក្នុងប្រភេទទម្ងន់៥៧គីឡូក្រាម។ពួកគេជាអ្នកប្រដាល់ជើងថ្មីដែលមិនសូវមានគេស្គាល់នោះឡើយ។បើតាមការអះអាងពីមន្ត្រីផ្គូរផ្គងនោះថាពួកគេនៅខ្ចីមែនតែស្នៀតគុនរបស់គេមិនអន់ឡើយពួកគេនឹងធ្វើឲ្យគេកាន់តែស្គាល់តាមរយៈការប្រកួតនេះមិនខាន។ ថាំងឌីណាក្លិបគុហារព្រហ្មជ័យខេត្តសៀមរាបត្រូវបានដាក់ឲ្យប្រកួតជាមួយអ្នកប្រដាល់ពូកែឌឺម៉នភារម្យដោយប្រកួតគ្នាក្នុងប្រភេទទម្ង់៥៤គីឡូក្រាម។ពួកគេជាអ្នកប្រដាល់ជើងចាស់ដែលមានកលល្បិចវ៉ៃល្អនិងរហ័សដូចគ្នា។ការជួបគ្នារវាងអ្នកប្រដាល់ទាំង២រូបនេះទាំងអ្នកឈ្នះទាំងអ្នកចាញ់នឹងទ្រមខ្លួនដូចគ្នាមិនខានឡើយ៕រ៉ូហ្សា ពេជ្រ ប៊ុនសិទ្ធ និង ភួន ឡាំកូស៊ីន
រិនដេវិដប្រើពេលតែ២ទឹកប៉ុណ្ណោះសម្រាប់កៅអីជុំទី២
ភ្នំពេញ៖ព្រឹត្តិការណ៍TV5BoxingSeriebyCellcardវគ្គជម្រុះជុំទី១នាយប់ថ្ងៃទី១២ខែកញាអ្នកប្រដាល់រិន ដេវីដក្លិបនាគរាជគុនខ្មែរប្រើពេលតែត្រឹម២ទឹកប៉ុណ្ណោះផ្ដួលអ្នកប្រដាល់រឿនសុខលីក្លិបយុវជនពន្លកថ្មីព្រែកឯងឱ្យសន្លប់ក្រោកលែងរួច ។ សុខលីហាក់ដូចជាបង្ហាញពីភាពគ្មានជំនឿចិត្តចំពោះការប្រកួតនេះតាំងពីមុនការប្រកួតរចាប់ផ្ដើមឯណោះក្នុងខណៈដែលរិនដេវីដបាននិយាយដោយប្រយ័ត្នប្រយែងថាគេមិនហ៊ានមើលស្រាលគូប្រកួតឡើយតែគេនឹងប្រកួតឱ្យអស់ពីសមត្ថភាព។ ដេវីដពិតជាធ្វើបានល្អដោយគេទាត់សុខលីមួយជើងចំកញ្ចឹង ក និងបន្ថែមប៉ុន្មានកណ្ដាប់ដៃទៀតធ្វើរឿន សុខលីសន្លប់ក្រោកលែងរួចតែម្ដង ។រឿនសុខលីត្រូវខ្ទាតចេញពីការប្រកួតដោយគ្មានវាសនាបានឡើងទៅប្រកួតជុំទី២ទៀតឡើយ។រីឯរិន ដេវីដបានឱកាសកក់កៅអីសម្រាប់ប្រកួតវគ្គេជម្រុះជុំទី២បន្តទៀត។ ចំពោះការប្រកួតក្រៅព្រឹត្តិការណ៍ពានរង្វាន់វិញនោះអ្នកប្រដាល់នឹមននក្លិបទ័ពឆ័ត្រយោង៩១១បានបំពានដល់គូប្រកួតរបស់ខ្លួនភួង ពិសិដ្ឋក្លិបតាឡីដំរីមានរិទ្ធនៅទឹកទីត្រូវអាជ្ញាកណ្ដាលកំណត់ឱ្យចាញ់ដោយសារតែបំពានគូប្រកួត ។ តាមពិតស្ថានភាពនៃការប្រកួតរវាងអ្នកប្រដាល់ទាំង២រូបនេះសមត្ថភាពមិនមាននរណាលើនរណាខ្លាំងនោះទេ។តែនឹមននដែលជាអ្នកប្រដាល់ដែលមានមហិច្ឆតាចង់ឈ្នះគូប្រកួតឱ្យបានឆាប់នោះនៅទឹកទី២ខណៈដែលពិសិដ្ឋដួលនោះនឹមននបានបន្ថែមមួយជង្គង់ស្ដាំចំថ្គាមឆ្វេងរបស់ពិសិដ្ឋបណ្ដាលឱ្យពិសិដ្ឋដួលសន្លប់ក្រោកលែងរួច។ លោកហ៊ិន សៃហេងដែលជាអាជ្ញាកណ្ដាលដឹកនាំ ការប្រកួតនោះបានប្រាប់ទៅចៅក្រមទាំង៥រូបថានឹម ននពិតជាបំពានលើគូប្រកួតមែន ។ លោកបាននិយាយថាបទបញ្ជានៃការប្រកួតទោះបីដោយចេតនាក៏ដោយអចេតនាក៏ដោយក៏មានកំហុសដូចគ្នា ។ ស្នងការប្រកួតនៃព្រឹត្តិការណ៍នេះបានឯកភាពចំពោះការលើកឡើងរបស់អាជ្ញាកណ្ដាលហើយក៏កំណត់ឱ្យអ្នកប្រដាល់នឹមននចាញ់ភួងពិសិដ្ឋដោយស្វ័យប្រវត្តិតែម្ដង។ប្រកួតក្រៅព្រឹត្តិការណ៍ខ្សែក្រវាត់នេះដែរអ្នកប្រដាល់ជើងខ្លាំងជំនាន់ក្រោយខាំសូរិយាក្លិបរ៉ាហាប់ស្វ័យប៉ាកត្រូវអ្នកប្រដាល់ជើងចាស់វៀត ប៊ុនឌឿនក្លិបគុហារព្រហ្មជ័យទាត់ឱ្យខូចជើងនៅមុនស្នូរជួងបញ្ចប់ទឹកទី ១ ។ សម្រាប់គូនេះនរណាក៏ដឹងជាមុនថាសូរិយាមិនមែនជាឧបសគ្គសម្រាប់ប៊ុនឌឿនដែរតែសម្រាប់ប៊ុនឌឿនទំនងជាមានមានជំនឿចិត្តថាការប្រកួតនេះគេនឹងឈ្នះរួចទៅហើយ។ទីបំផុតប៊ុនឌឿនប្រើរយៈពេលខ្លីបំផុតក្នុងការយកឈ្នះគូប្រកួត៕រ៉ូហ្សា ទិដ្ឋភាពប្រកួត
សាលាគុនសុរិយាប្រកាសពីការចូលរួមប្រកួតកីឡាការ៉ាតេទូទាំងប្រទេស២០២០
ភ្នំពេញ៖សាលាគុនកីឡាការ៉ាតេសុរិយានិងក្រសួងមហាផ្ទៃធ្វើការហ្វឹកហាត់ជាប្រចាំនៅក្លិបរបស់ខ្លួនដោយស្ថិតក្រោមការប្រុងប្រយ័ត្នខ្ពស់ដើម្បីចូលរួមការពារមេរោគCOVID19តាមការណែនាំរបស់ក្រសួងសុខាភិបាល និងក្រសួងអប់រំ យុវជន និងកីឡា ។ដើម្បី ចូលរួមការប្រកួតកីឡាការ៉ាតេជ្រើសរើសជើងឯក ទូទាំងប្រទេស ២០២០នៅថ្ងៃ ២២ ដល់ ២៤ ខែ តុលា២២២០នៅសកលវិទ្យាភូមិន្ទភ្នំពេញ។ លោក ឡាច ច័ន្ទដារ៉ា គ្រូបង្វឹកក្រសួង មហាផ្ទៃ និងជាម្ចាស់សាលាគុនសុរិយាបានប្រាប់ឱ្យដឹងថា ក្លិបកីឡាការាតេក្រសួងមហាផ្ទៃនិងក្លិបសុរិយានឹងបញ្ជូនកីឡាករកីឡាការិនីដែលមានសក្តានុពលជាច្រើនរូបទៅតាមប្រភេទទម្ងន់ដើម្បីចូលរួមក្នុងការដណ្តើមមេដាយនៃការប្រកួតកីឡាការ៉ាតេជ្រើសរើសជើងឯក ទូទាំងប្រទេស ២០២០ខាងមុខនេះ។ លោកបានបន្តថាកីឡាករកីឡាការិនីសុទ្ធតែមានសមត្ថភាពខ្ពស់ដែលពួកគេមានឱកាសអាចដណ្តើមមេដាយពីការប្រកួតលើកនេះ។ហើយថ្មីៗកន្លងមកនេះលោកបានបញ្ជូនកីឡាករកីឡាការិនីចូលរួមព្រឹត្តិការណ៍នៃការប្រកួតយុទ្ធសិល្ប៍ចម្រុះដណ្ដើម ពានរង្វាន់សម្ដេចក្រឡាហោមស ខេងលើកទី៣ ដែលរៀបចំឡើងដោយក្រុមប្រឹក្សាកីឡា ក្រសួងមហាផ្ទៃដោយទទួលបានលទ្ធផលល្អ ៕រ៉ូហ្សា xទិដ្ឋភាពហ្វឹកហាត់
ធន អៀងឡៃទម្លាក់សេក សារ៉ាននៅជុំទី១
ភ្នំពេញ៖ព្រឹត្តិការណ៍CallCardChampionប្រភេទទម្ងន់៥៤គីឡូក្រាមបានចាប់ផ្ដើមហើយលើសង្វៀនប៉ុស្ដិ៍លេខ៥បានចាប់ផ្ដើមហើយនៅយប់ថ្ងៃទី២៩សីហាឆ្នាំ២០២០។ការប្រកួតដែលមានតែមួយគូនោះអ្នកប្រដាល់ធនអៀងឡៃក្លិបកងយោធពលខេមរភូមិន្ទបានយកឈ្នះអ្នកប្រដាល់សេកសារ៉ាន់ក្លិបអង្គរមានជ័យខេត្តសៀមរាបដោយពិន្ទុដាច់តែម្ដង។អៀងឡៃមានប្រៀបលើគូប្រកួតគ្រប់ទឹកទាំងអស់ហើយស្ថានភាពនៃការប្រកួតអៀងឡៃវ៉ៃលិកច្រើនជាង ។ ចំពោះសារ៉ានវិញនៅទឹកដំបូងគេហាក់ដូចជាក្លាហានគ្រាន់បើហើយគេក៏បើកការវាយលុកច្រើនដែរ។តែបន្ទាប់វ៉ៃលុកមិនបានផលហើយបែរជាត្រូវអៀងឡៃច្រាស់សងមកវិញផ្ទួនៗនោះអ្នកប្រដាល់មកពីខេត្តសៀមរាបរូបនេះវ៉ៃលែងចេញតែម្ដងដោយគេដកថយនិងការពារច្រើនជាង។ បន្ទាប់ពីចប់ការប្រកួតធន អៀងឡៃបានទទួលជ័យជំនះលើសេក សារ៉ាន់ដោយពិន្ទុ។ចៅក្រមទាំង៥សុទ្ធតែផ្ដល់ពិន្ទុឱ្យអៀងឡៃឈ្នះគ្រប់ៗគ្នា។សេកសារ៉ាន់ហាលអាវត្រឹមជុំទី១នេះមុនគេខណៈដែលធនអៀងឡៃកក់កៅអីសម្រាប់ប្រកួតបន្តវគ្គជម្រុះជុំទី២ទៀត ។ ចំពោះគូប្រកួតក្រៅព្រឹត្តិការណ៍ពានរង្វាន់វិញនោះអ្នកប្រដាល់ជើងថ្មីសូត្រវាសនាក្លិបបក្សីស្លាបដែកប្រកួតចាញ់ពិន្ទុអ្នកប្រដាល់ជើងចាស់រឿមវណ្ណៈក្លិបអប់រំកាយស្រុកអន្លង់វែង។វណ្ណៈដែលជាអ្នកប្រដាល់ចូលចិត្តប្រើកែងវាយប្រហារគូប្រកួតនោះទោះបីកម្ពស់របស់គេចាញ់ប្រៀបវាសនាក៏ពិតមែនក៏គេព្យា យាមប្រើកែងវាយប្រហារលើគូប្រកួតដោយគ្មានញញើតដែរ។ការប្រើកែងវាយប្រហារដោយសន្ធាប់បែបនេះធ្វើឱ្យវាសនាវ៉ៃដោយប្រយ័ត្ននិងមិនសូវហ៊ានវាយប្រហារសងវិញឡើយ ។ ទោះជាយ៉ាងណាក៏អ្នកប្រដាល់ទាំង២រូបនេះប្រកួតគ្នា៥ទឹកពេញដោយលទ្ធផលចុងក្រោយរឿម វណ្ណៈបានទទួលជ័យជំនេះលើសូត្តវាសនាដោយពិន្ទុទាំងទ្រមខ្លួន។រឿងសារិទ្ធក្លិបម្កុដរាជសីហ៍ប្រកួតចាញ់ពិន្ទុអ្នកប្រដាល់សយសុខក្លិបពន្លឺវិបុលដោយពិន្ទុបន្ទាប់ពីប្រកួតគ្នា៥ទឹកពេញនោះ ។អ្នកប្រដាល់ទាំង២រូបនេះប្រកួតគ្នាក្នុងប្រភេទទម្ងន់៥៧គីឡូក្រាម ។ សារិទ្ធដែលជាអ្នកប្រដាល់ពោរពេញដោយអំណួតនោះគេព្យាយាមទាត់និងបញ្ចេញកណ្ដាប់ដៃវាយគូប្រកួតដោយក្លាហាន។តែសយសុខដែលមានស្នៀតជង្គង់ល្អនោះបានច្រាស់សងវិញចំគោលដៅបានយ៉ាងល្អ ។អ្នកប្រដាល់ទាំង២រូបនេះប្រកួតគ្នា៥ទឹកពេញដែរហើយលទ្ធផលចុងក្រោយសយ សុខជាអ្នកបានទទួលជ័យជំនះ។ធនស៊ីហុងក្លិបកងយោធពលខេមរភូមិន្ទប្រើកែងផ្ដួលអ្នកប្រដាល់ថាំងឌីណាក្លិបគុហារព្រហ្មជ័យខេត្តសៀមរាបបណ្ដាលឱ្យដួលសន្លប់មុនស្នូរជួងបញ្ចប់ទឹកទី៤ ៕រ៉ូហ្សា
សហព័ន្ធកីឡាម៉ូតូទឹកប្រកាសជ្រើសរើសកីឡាការិនី២រូបសម្រាប់ប្រកួត Asian Beach Games 2021
ភ្នំពេញ៖ សហព័ន្ធកីឡាម៉ូតូទឹកកម្ពុជា បានប្រកាស ជ្រើសរើស កីឡាការិនី ចំនួន២រូប ដើម្បីចូលរួមហ្វឹកហាត់ ជាមួយក្រុមជម្រើសជាតិ ម៉ូតូទឹកកម្ពុជា ដើម្បីចូលរួមប្រកួត ក្នុងព្រឹត្តិការណ៍ Asian Beach Games 2021 នៅប្រទេសចិន នាឆ្នាំ២០២១ខាងមុខនេះ។ កីឡាករ សាលី អ៊ូម៉ើត ដែលជាកីឡាករឆ្នើមរបស់កម្ពុជា បានបង្ហាញពីការតាំងចិត្ត ក្នុងការជួយបង្វឹក ដល់កីឡាការិនី ទាំង២រូប ដើម្បីចូលរួមប្រកួត ក្នុងព្រឹត្តិកាណ៍ ខាងលើ នេះ ។ជាមួយគ្នានេះ កីឡាកររូបនេះ ក៏បានបង្ហាញ ពីការបង្កើននូវ ការហ្វឹកហាត់របស់ ខ្លួន ដើម្បីចូលរួម ក្នុងព្រឹត្តិការណ៍នេះដែរ។ កីឡាករឆ្នើមរូបនេះបានបង្ហាញនូវការតាំងចិត្តថាលោកបានត្រៀមខ្លួនដើម្បីចែករំលែកនូវបទពិសោធន៍របស់ខ្លួន ដល់កីឡាការិនីទាំង២រូបនិងមិត្តរួមអាជីពដទៃ ទៀត ដើម្បីបន្តនាំយកកិត្តិយសមកជូនជាតិ ។ សូមបញ្ជាក់ថា សាលី អ៊ូម៉ើត ដែលបានប្រឹងប្រែង ប្រកបដោយឆន្ទៈខ្ពស់ រហូតឈ្នះមេដាយមាស ពីការប្រកួត JET SKI WORLD CUP 2019 ដែលមានប្រទេសជាង […]
រៀបចំពិធីប្រកាសពានរង្វាន់ជូនជ័យលាភីស្លាកសញ្ញា-និមិត្តសញ្ញា ស៊ីហ្គេម
ភ្នំពេញ៖គណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ហៅកាត់ គ.ជ.ប.អ. នៅរសៀលថ្ងៃទី៧ខែសីហាឆ្នាំ២០២០បានរៀបចំពិធីបីពាក់ព័ន្ធនឹងដំណើរឆ្ពោះទៅធ្វើជាម្ចាស់ផ្ទះនៃការប្រកួតកីឡាស៊ីហ្គេមលើកទី ៣២ នាឆ្នាំ ២០២៣ ខាងមុខ ។ ពិធីទាំងបីនេះរួមមាន ពិធីប្រកាសពានរង្វាន់ជូនជ័យលាភី ស្លាកសញ្ញា-និមិត្តសញ្ញា ស៊ីហ្គេម លើកទី៣២ និងអាស៊ានប៉ារ៉ាហ្គេម លើកទី១២ ឆ្នាំ២០២៣ (Logo-Mascot SEA Games – ASEAN ParaGames2023)ព្រមទាំងពិធីរាប់ថយក្រោយ១.០០០ថ្ងៃនៃដំណើរឆ្ពោះទៅធ្វើជាម្ចាស់ផ្ទះនៃការប្រកួតកីឡានេះ ។ ពិធីនេះត្រូវបានរៀបចំឡើងនៅពហុកីឡាដ្ឋានជាតិមរតកតេជោដែលជាពហុកីឡាដ្ឋានជាតិថ្មីដែលកម្ពុជាបានសាងសង់សម្រាប់ត្រៀមធ្វើជាម្ចាស់ផ្ទះនៃការប្រកួតកីឡាតំបន់មួយនេះ ក្រោមអធិបតីភាពដោយ សម្តេចពិជ័យសេនា ទៀ បាញ់ ៕ភិរុម
អនុញ្ញាតឱ្យដំណើរការឡើងវិញហាត់ប្រាណនិងលេងកីឡាតាមទីធ្លាសាធារណៈ
ភ្នំពេញ៖រដ្ឋមន្ត្រីក្រសួងអប់រំយុវជននិងកីឡាលោកបណ្ឌិតសភាចារ្យហង់ជួនណារ៉ុនបានចេញសេចក្តីជូនដំណឹងមួយស្តីពី«ការអនុញ្ញាតឱ្យដំណើរការឡើងវិញនូវសកម្មភាពហាត់ប្រាណនិងលេងកីឡាតាមទីធ្លាសាធារណៈ នៅតាមរាជធានី-ខេត្ត និង ក្នុងបរិវេណពហុកីឡដ្ឋានជាតិអូឡាំពិក»។ នេះបើយោងតាមសេចក្តីជូនដំណឹងរបស់រដ្ឋមន្ត្រីក្រសួងអប់រំ នៅថ្ងៃទី២៨ ខែកក្កដា ឆ្នាំ២០២០ នេះ។ លោកហង់ជួនណារ៉ុនថ្លែងថានៅក្នុងការអនុញ្ញាតឱ្យដំណើរការឡើងវិញនេះក្រសួងស្នើឱ្យទីកន្លែងហាត់ប្រាណនិងលេងកីឡាទាំងអស់ត្រូវបន្តគោរពតាមវិធានការសុវត្ថិភាពសុខភាពរបស់ក្រសួងសុខាភិបាល និង អង្គការសុខភាពពិភពលោកយ៉ាងត្រឹមត្រូវនិងម៉ឺងម៉ាត់ នូវ៤ចំណុចសំខាន់ៗ ៕
ខេមរសហព័ន្ធតេក្វាន់ដូWTបើកវគ្គបណ្តុះបណ្តាលគ្រូបង្វឹករយៈពេល៤ខែ
ភ្នំពេញ៖ខេមរសហព័ន្ធតេក្វាន់ដូWTបើកវគ្គបណ្តុះបណ្តាលគ្រូបង្វឹកតេក្វាន់ដូWTកម្រិតគ្រូបង្វឹករយៈពេល៤ខែដល់សិក្ខាកាមជិត១០នាក់ឱ្យក្លាយជាគ្រូបង្វឹកកីឡាប្រភេទនេះនៅតាមសាលារៀនរដ្ឋនិងក្លិបតាមបណ្តាខេត្តនានា។ លោកឆយយ៉ុងសុកគ្រូបង្វឹកជម្រើសជាតិប្រាប់ឱ្យដឹងថាវគ្គបំប៉នដល់គ្រូបង្វឹកលើកនេះដោយផ្តោតលើការហ្វឹកហាត់បច្ចេកទេសលើវិញ្ញាសាសម្តែងមេគុន។ចំពោះសិក្ខាកាមទាំងអស់ក្រោយពីបញ្ចប់ក៏បន្តបំពេញបេសកកម្មទៅតាមសាលារៀននានានៅទូទាំងប្រទេស។ការបង្ហាត់បង្រៀនដោយរូបលោកផ្ទាល់រៀងរាល់ថ្ងៃសៅរ៍ និងអាទិត្យនៅអាគារប៊ូយ៉ុងនៃពហុកីឡដ្ឋានជាតិអូឡាំពិក។ លោកគ្របានបន្តថាវគ្គនេះក្នុងគោលបំណងក្នុងការអភិឌ្ឍនវិស័យកីឡាតេក្វាន់ដូWTនៅប្រទេសកម្ពុជា ព្រមទាំងជាផែនការមេរបស់ប្រធានខេមរសហព័ន្ធជំរុញពង្រីកកីឡាមួយនេះមានទូទាំងប្រទេស និងត្រៀមដាក់បញ្ជូនលើកការសិក្សាតាមសាលារដ្ឋ។ វគ្គបណ្តុះបណ្តាលនេះ អាចប្រព្រឹត្តទៅបាន ដោយ សារបានថវិកាគាំទ្ររបស់ក្រសួងអប់រំ យុវជន និងកីឡា ក្នុងការជួយពន្លឿនខេមរសហព័ន្ធ តេក្វាន់ដូ ដើម្បីធ្វើការបណ្តុះបណ្តាល ធនធានមនុស្ស ។ដូចជាមន្ត្រីបច្ចេកទេសអាជ្ញាកណ្ដាល-ចៅក្រម និងគ្រូបង្វឹកតេក្វាន់ដូថ្នាក់មូលដ្ឋានថ្នាក់ជាតិ និងថ្នាក់អន្តរជាតិជាដើមសម្រាប់ត្រៀមធ្វើជាម្ចាស់ផ្ទះនៃការប្រកួតកីឡាស៊ីហ្គេមលើកទី៣២នាឆ្នាំ២០២៣ខាងមុខនិងត្រៀមចូលរួមក្នុងកម្មវិធីប្រកួតជាលក្ខណៈអន្តរជាតិនានា។ លោកគង់សក្ខិដាអគ្គលេខាធិការនៃប្រធានខេមរសហព័ន្ធតេក្វាន់ដូWTបានឱ្យដឹងថាកន្លងមកសហព័ន្ធធ្លាប់បើកវគ្គបណ្តុះបណ្តាលយើងរៀបចំចែកចេញជា២វគ្គដែលមានសិក្ខាកាមចូលរួមចំនួន៥០នាក់មកពីរាជធានីខេត្តចំនួន៤ គឺភ្នំពេញ កណ្តាល បាត់ដំបង់ និងសៀមរាប។ ដោយវគ្គបណ្តុះបណ្តាលអាជ្ញាកណ្ដាលចៅក្រមតេក្វាន់ដូថ្នាក់មូលដ្ឋាន-ជាតិមានសិក្ខាកាមសរុបចំនួន២៥នាក់ដែលប្រព្រឹត្តទៅចាប់ពីថ្ងៃទី១៣ដល់ថ្ងៃទី១៦ខែធ្នូឆ្នាំ២០១៩នៅសាលហ្វឹកហាត់តេក្វាន់ដូប៊ូយ៉ុង-ខ្មែរ បង្រៀនដោយអាជ្ញាកណ្តាលអន្តរជាតិលោកហែមសំណាងនិងលោកយឹមសត្ថា៕សហការី
ខ្លាចាស់ សេន កុសល ជួបជាមួយអ្នកប្រដាល់ស្រករក្រោយ ឆូន បួន
ភ្នំពេញ៖ អ្នកប្រដាល់ចាស់វស្សា សេន កុសល ក្លិបមោងឫស្សីមរតកគុនខ្មែរ ត្រូវបានដាក់ឱ្យប្រកួតជាមួយ អ្នកប្រដាល់ជំនាន់ថ្មី ឆូន បួន ក្លិបទ័ពឆ័ត្រយោង ៩១១លើសង្វៀនខារ៉ាបាវរបស់អាស៊ីអាគ្នេយ៍ នារសៀល ថ្ងៃទី២០ មិថុនា ខាងមុខនេះ។ អ្នកប្រដាល់ទាំង ២ រូបនេះ ប្រកួតគ្នា ក្នុងប្រភេទទម្ងន់ ៥៧ គីឡូក្រាម។ នេះជាការជួបប្រកួតគ្នាលើកដំបូងហើយ សម្រាប់អ្នកប្រដាល់ទាំង ២ រូបនេះ។ ឆូន បួន ស្គាល់សង្វៀនប្រដាល់ ក្រោយកុសលទេ តែគេហាក់ដូចជាឆាប់ ប្រជែងបានភាពល្បីល្បាញ បានលឿនគ្រាន់បើ ដោយសារតែការប្រកួតរបស់គេ ភាគច្រើន បានទទួលជ័យជំនះ ។ មិនតែប៉ុណ្ណោះ មានអ្នកប្រដាល់ជើងចាស់ មិនតិចទេ ដែលចាញ់ក្រោមថ្វីដៃ ឆូន បួន។ ជាមួយនឹងកម្លាំងដ៍អស្ចារ្យនោះ អ្នកប្រដាល់រូបនេះ មានភាពអំណត់ខ្ពស់ ចិត្តហ៊ាន និងមានផ្លែវ៉ៃចេញល្អ និងភាគច្រើន ចំគោលដៅទៀតផង។ សម្រាប់ កុសល គេក៏មិនមែនជាអ្នកប្រដាល់ ដែលស្រួលបង្ក្រាបដែរ ។ […]